توقايەۆ ب ا ءا پرەزيدەنتى شەيح مۇحاممەد بەن زايد ءال ناحايانمەن تەلەفون ارقىلى سويلەستى
استانا. KAZINFORM - مەملەكەت باسشىسى قاسىم-جومارت توقايەۆ امىرلىكتەر تاراپىنىڭ باستاماسىمەن وسى ەلدىڭ پرەزيدەنتى شەيح مۇحاممەد بەن زايد ءال ناحايانمەن تەلەفون ارقىلى سويلەستى. بۇل تۋرالى اقوردانىڭ باسپا ءسوز قىزمەتى حابارلادى.
تاراپتار ەكىجاقتى ىنتىماقتاستىقتى دامىتۋ پەرسپەكتيۆالارىن تالقىلادى. اتاپ ايتقاندا، ساۋدا-ەكونوميكالىق جانە ينۆەستيتسيالىق سالالارداعى قاتىناستاردى نىعايتۋعا باسا ءمان بەرىلدى. وسى رەتتە ەكى ەل باسشىلارى قازاقستان مەن امىرلىكتەر اراسىنداعى سەرىكتەستىكتىڭ قازىرگى دەڭگەيىن جوعارى باعالاي وتىرىپ، قول جەتكىزىلگەن بارلىق ۋاعدالاستىقتى ءتيىمدى جۇزەگە اسىرۋدىڭ ماڭىزدىلىعىن اتاپ ءوتتى.
مەملەكەتتەر باسشىلارى ساياسي ديالوگتى ودان ءارى كەڭەيتۋگە، ساۋدا-ساتتىق بايلانىستاردى جانداندىرۋعا جانە ەكونوميكانىڭ ءتۇرلى سەكتورلارىندا بىرلەسكەن جوبالاردى جۇزەگە اسىرۋعا ءوزارا نيەتتى ەكەنىن راستادى.
اڭگىمەلەسۋ بارىسىندا ب ا ءا پرەزيدەنتى شەيح مۇحاممەد بەن زايد ءال ناحايان مەملەكەت باسشىسى قاسىم-جومارت توقايەۆتى وتكەن تۋعان كۇنىمەن قۇتتىقتادى.
ەسكە سالساق، بۇعان دەيىن قاسىم-جومارت توقايەۆ رەسەي پرەزيدەنتى ۆلاديمير پۋتينمەن تەلەفون ارقىلى سويلەسكەنىن جازعان ەدىك.
اۆتور
ابىلايحان جۇماشيەۆ
