توقايەۆ الجير پرەزيدەنتىن ريەۆوليۋتسيا كۇنىمەن قۇتتىقتادى
استانا. KAZINFORM - مەملەكەت باسشىسى قاسىم-جومارت توقايەۆ الجير پرەزيدەنتى ابدەلماجيد تەببۋنعا قۇتتىقتاۋ جەدەلحاتىن جولدادى، دەپ حابارلايدى اقوردا.
قاسىم-جومارت توقايەۆ ابدەلماجيد تەببۋندى الجير حالىق دەموكراتيالىق رەسپۋبليكاسىنىڭ ۇلتتىق مەيرامى - ريەۆوليۋتسيا كۇنىمەن قۇتتىقتادى.
پرەزيدەنت دوستىق پەن ءوزارا تۇسىنىستىككە نەگىزدەلگەن ىنتىماقتاستىق قوس حالىقتىڭ يگىلىگى جولىندا ۇدايى دامي بەرەتىنىنە سەنىم ءبىلدىردى.
قاسىم-جومارت توقايەۆ ابدەلماجيد تەببۋننىڭ جاۋاپتى قىزمەتىنە تابىس، ال الجير حالقىنا قۇت-بەرەكە تىلەدى.
ايتا كەتەيىك، بۇعان دەيىن قاسىم-جومارت توقايەۆ بيىل 5-شىلدەدە الجير پرەزيدەنتى ابدەلماجيد تەببۋندى ەلدىڭ تاۋەلسىزدىك كۇنىمەن قۇتتىقتاعان ەدى. مەملەكەت باسشىسى جەدەلحاتىندا الجيردى اراب الەمىندەگى قازاقستاننىڭ سەنىمدى سەرىكتەستەرىنىڭ ءبىرى رەتىندە اتاپ وتكەن بولاتىن.
