توقايەۆ ماڭعىستاۋ وبلىسىندا اسكەري قىزمەتشىلەردىڭ قازا تابۋىنا بايلانىستى كوڭىل ايتتى
استانا. KAZINFORM - پرەزيدەنت قاسىم-جومارت توقايەۆ ماڭعىستاۋ وبلىسىندا اسكەري وقۋ-جاتتىعۋ كەزىندەگى قايعىلى وقيعا سالدارىنان قازا تاپقان اسكەري قىزمەتشىلەردىڭ تۋعان-تۋىستارىنا كوڭىل ايتتى.
مەملەكەت باسشىسى ۇكىمەتتىك كوميسسياعا وقيعانىڭ ءمان-جايىن انىقتاۋ ءۇشىن قاجەتتى شارالار قابىلداۋدى جانە قايتىس بولعان جانداردىڭ وتباسىنا كومەك كورسەتۋدى تاپسىردى.
ەسكە سالايىق، 2026-جىلعى 24-قىركۇيەكتە كاسپيدەگى اسكەري وقۋ-جاتتىعۋ كەزىندە 9 اسكەري قىزمەتشى قازا تاپقانىن حابارلاعانبىز. ءۇش اسكەري قىزمەتشى قۇتقارىلدى. ولاردىڭ بىرەۋى اۋرۋحاناعا جاتقىزىلدى. قالعاندارىن ىزدەۋ جۇمىستارى جالعاسىپ جاتىر.
كەيىنىرەك اسكەري قىزمەتشىلەردىڭ قازا بولۋ فاكتىسى بويىنشا قىلمىستىق ءىس قوزعالىپ، تەرگەلىپ جاتقانىن جازدىق.
ماڭعىستاۋ وبلىسىندا اسكەري قىزمەتشىلەردىڭ قازا بولۋ سەبەپتەرىن تەرگەپ-تەكسەرۋ جونىندەگى ۇكىمەتتىك كوميسسيا قۇرىلدى.
كوميسسيا قۇرامىنا قورعانىس ءمينيسترى، ماڭعىستاۋ وبلىسىنىڭ اكىمى، ەڭبەك جانە حالىقتى الەۋمەتتىك قورعاۋ، توتەنشە جاعدايلار، دەنساۋلىق ساقتاۋ، كولىك مينيسترلىكتەرىنىڭ باسشىلىعى، باس اسكەري پروكۋرور، سونداي-اق شەكارا قىزمەتىنىڭ وكىلدەرى كىردى.
