تۋريزم: كىرىسى مول سالانىڭ كەلەڭسىز تۇستارى

دەمالۋشىلاردان دا دەمالىس كەرەك. كەي ەلدەردە تۋريستەردىڭ كوپتەپ كەلۋىنەن ءتۇرلى ماسەلەلەر تۋىنداپ، جەرگىلىكتى تۇرعىنداردىڭ تۇرمىسىنا كەرى اسەرى كوبەيگەن. وسىعان وراي كەيبىر مەملەكەتتەردىڭ بيلىگى حالىقىنىڭ جايىن ويلاپ، ءتۇرلى شارالار قابىلداۋعا ءماجبۇر.

ۆەنەتسيا - دەمالۋشىلاردىڭ سۇيىكتى ورنى. سۋ ۇستىندەگى قالانى ءوز كوزىمەن كورگىسى كەلەتىندەردىڭ ءنوپىرى تولاستامايدى. ءسويتىپ، تۇرعىنداردان گورى ساياحاتشى كوبەيىپ كەتكەن. ءار تۇرعىنعا 21 تۋريستەن كەلەدى ەكەن. بۇل جەرگىلىكتى جۇرت ءۇشىن ىڭعايسىز. سەبەبى سىرتتان كەلۋشىلەردىڭ كوپتىگىنەن پاتەراقىسى دا وسەدى. سوندىقتان ۇيلەرىن دەمالۋشىلارعا جالعا بەرىپ قويىپ، ماڭايداعى ەلدى مەكەندەرگە كوشىپ كەتۋ الدەقايدا ءتيىمدى بولىپ جاتادى. بۇل ماسەلەنى شەشۋ ءۇشىن بيلىك بيىل كوكتەمنەن باستاپ تۋريستىك الىم ەنگىزۋدى جوسپارلاپ وتىر.

بۇدان بولەك، بىلتىر كرۋيزدىك كەمەلەردىڭ قالاعا كىرۋىنە دە شەكتەۋ قويىلدى. گرەكيا ەكونوميكاسى تۋريزمگە تاۋەلدى. جالپى ىشكى ءونىمنىڭ %20- ءى وسى سالاعا تيەسىلى.

بيىل ورمان ءورتى مەن اپتاپ ىستىققا قاراماستان دەمالۋشى كوپ بولدى. بىلتىر ەل استاناسى افينى كەمەجايىنا 760 كرۋيزدىك لاينەر كەلگەن. بۇل - بۇرىن-سوڭدى بولماعان كورسەتكىش. مۇنىڭ ءبارى جەرگىلىكتى كاسىپكەرلەر ءۇشىن جاقسى، ارينە. ءبىراق تاياقتىڭ ەكى ۇشى بار دەمەكشى، تۇرعىندار ءۇشىن ىڭعايسىز. ويتكەنى دەمالۋشىلار كوبەيگەن سايىن تاۋارلار مەن قىزمەت قۇنى دا وسەدى.

ال ۆەتنامداعى حالونگ ايلاعى بولسا، قوقىستان زارداپ شەگىپ وتىر. جەرگىلىكتى جۇرت بارىنە تۋريستەردى كىنالايدى. 2022 -جىلى مۇندا 7 ميلليون دەمالۋشى كەلسە، بىلتىر ول كورسەتكىش 8,5 ميلليونعا دەيىن جەتكەن. دەمەك قوقىس تا كوبەيدى دەگەن ءسوز.

چيليدەگى اتاكاما شولىندەگى كوركەم كورىنىستى دە وسى ساياحاتشىلاردان قالعان قالدىقتار ءبۇلدىرىپ تۇر. ال تايلاندتىڭ سامۋي ارالىندا ساياحاتشىلار سۋ جۇيەسىنە سالماق سالىپ جاتىر. تىرشىلىك ءنارىنىڭ %70- ءىن سىرتتان كەلگەندەر تۇتىنادى ەكەن. سونىڭ سالدارىنان جەرگىلىكتى جۇرت سۋعا جارىماي وتىر.

www.24.kz