تۇرىك قارۋلى كۇشتەرى باتمان ماڭىنداعى ەكى تەرروريستى زالالسىزداندىردى

استانا. KAZINFORM - «بوزدوعان-45» وپەراتسياسى اياسىندا تۇركيانىڭ باتمان قالاسىنىڭ ماڭىندا ەكى تەرروريست زالالسىزداندىرىلدى. بۇل تۋرالى انادولى اگەنتتىگى جازدى.

ولاردىڭ ءبىرى رەسپۋبليكانىڭ ىشكى ىستەر مينيسترلىگىنىڭ ىزدەۋىندە جۇرگەنىن حابارلادى ۆەدومستۆو باسشىسى الي يەرليكايا.

ول سونداي-اق «بەريتان امارا» (سۇلتان داگ) جانە «زەينەپ دجۋدي» (زەينەپ نيبات) لاقاپ اتىمەن بەلگىلى زالالسىزداندىرىلعان تەرروريستەر 9 شابۋىلعا قاتىسقانىن، ونىڭ بارىسىندا التى قۇقىق قورعاۋ ورگانىنىڭ قىزمەتكەرى قازا تاپقانىن، تاعى 19 ادام جاراقات العانىن اتاپ ءوتتى.

ءى ءى م باسشىسى قۇربان ايت مەرەكەسى كەزىندە تەرروريزمگە قارسى وپەراتسيا بارىسىندا 11 سودىر بەيتاراپتاندىرىلعانىن، ولاردىڭ ەكەۋى ىزدەستىرىلگەندەردىڭ قىزىل تىزىمىندە، تورتەۋى قىزعىلت سارى، تاعى ەكەۋى سۇر تىزىمدە بولعانىن حابارلادى.

اۆتور

ەركەجان سماعۇلوۆا