پەتروپاۆلداعى ءىرى ءورت. 35 پوليتسيا وقيعا ورنىن قورشاۋعا الدى
استانا. KAZINFORM - ءى ءى م مالىمەتىنشە، 10-قاڭتار كۇنى تاڭەرتەڭ پوليتسياعا «راحات» ساۋدا ءۇيى ورتەنىپ جاتقانى تۋرالى حابارلاما كەلىپ ءتۇستى.
- وقيعا ورنىنا العاشقى بولىپ جەتكەن پاترۋلدىك پوليتسيا باتالونىنىڭ ەكيپاجى قويۋ ءتۇتىن تۋرالى حابارلاپ، قوسىمشا كومەك جىبەرۋدى سۇرادى. بۇل جەرگە بىردەن 11 اۆتوپاترۋل، 35 پوليتسيا قىزمەتكەرى جىبەرىلدى، - دەلىنگەن حابارلامادا.
ءتارتىپ ساقشىلارى ءورت ءسوندىرۋ تەحنيكاسىنىڭ ەركىن ءوتۋىن قامتاماسىز ەتىپ، وقيعا ورنىن قورشاۋعا العان.
- سونداي-اق ساۋدا ءۇيى جاپسارلاس ورنالاسقان 9 قاباتتى ءۇيدىڭ ءتورت پودەزىنىڭ ەكەۋىندەگى تۇرعىنداردى ەۆاكۋاتسيالاۋعا كومەكتەستى. پوليتسيا اۆتوبۋسى 30 ادامدى قابىلدادى، ونىڭ ىشىندە قويۋ ءتۇتىن جايلاعان ۇيدەن شىعارىلعان بالالار دا بار. سونىمەن قاتار جىلجىمالى ەۆاكوپۋنكت رەتىندە پاترۋلدىك كولىكتەر، ت ج د-نىڭ ەكى كولىگى جانە ەكى جولاۋشىلار اۆتوبۋسى پايدالانىلدى. قازىرگى ۋاقىتتا شۇعىل قىزمەتتەردىڭ جۇمىسى جالعاسىپ جاتىر. پاترۋلدىك پوليتسيا مەن ۋچاسكەلىك پوليتسيا ينسپەكتورلارى اۋماقتى قورشاپ، قوعامدىق ءتارتىپتى قامتاماسىز ەتۋدە. ازاماتتاردى قىزمەتكەرلەردىڭ جۇمىسىنا كەدەرگى كەلتىرمەۋگە جانە سۋرەت ءۇشىن ومىرلەرىن قاتەرگە تىكپەۋگە شاقىرامىز، - دەپ ەسكەرتتى ۆەدومستۆو.
