پەتروپاۆلدا ءبىر وتباسىنان ءۇش ادامدى ءولتىرىپ كەتتى

سولتۇستىك قازاقستان وبلىستىق پوليتسيا دەپارتامەنتى باسپا ءسوز قىزمەتىنىڭ حابارلاۋىنشا، 28-جەلتوقسان كۇنى ساعات 13.25-تە زورلىق- زومبىلىقتىڭ بەلگىلەرى بار 3 ادامنىڭ دەنەسىنىڭ تابىلعانى تۋرالى تەلەفون ارقىلى حابارلاما كەلىپ تۇسكەن، دەپ حابارلايدى Kazinform.

اتالعان فاكت ق ر ق ك 99-بابى 2-بولىگى 1-تارماعى (ەكى نەمەسە ودان كوپ ادامدى ءولتىرۋ) بويىنشا سوتقا دەيىنگى تەرگەپ-تەكسەرۋلەردىڭ ءبىرىڭعاي تىزىلىمىندە تىركەلدى. سولتۇستىك قازاقستان وبلىسى پوليتسيا دەپارتامەنتىنىڭ قىزمەتكەرلەرى وبلىس ورتالىعىنىڭ 2 تۇرعىنىن ءىزىن سۋىتپاي، ۇستادى. كۇدىكتىلەر پەتروپاۆل قالاسى پ ب ۋاقىتشا ۇستاۋ يزولياتورىنا قامالدى. قازىرگى ۋاقىتتا ءىستىڭ بارلىق ءمان-جايلارىن تولىق، جان-جاقتى جانە وبەكتيۆتى زەرتتەۋگە باعىتتالعان تەرگەۋ ارەكەتتەرى جۇرگىزىلۋدە. ءىس سولتۇستىك قازاقستان وبلىسىنىڭ پروكۋراتۋراسى مەن پوليتسيا دەپارتامەنتىنىڭ باقىلاۋىندا.

ق ر ق ى ج ك-نىڭ 201-بابىنا سايكەس سوتقا دەيىنگى تەرگەپ-تەكسەرۋ دەرەكتەرى جاريا ەتىلمەيدى.

 

اۆتور
ايدار وسپاناليەۆ