تۇركىستاندا لوتوس گۇلدەدى

Лотос
Фото: Жасұлан Сейдазым

تۇركىستان. KAZINFORM - تۇركىستاندا قىزعىلت ءتۇستى لوتوس گۇلدەدى. وڭىرگە 2019 -جىلى جەتكىزىلگەن ەرەكشە گۇل 900 شارشى مەتر اۋماقتا ءوسىپ جاتىر.

تۇركىستان قالاسىنداعى جەلىلىك ساياباق پەن بوتانيكالىق باقتا لوتوس گۇلدەرى جايقالىپ ءوسىپ تۇر. كۇندىز گۇل اشىپ، كەشكىسىن جابىلىپ قالاتىن ەرەكشە گۇلدى قىزىقتاپ تاماشالاۋشىلار دا كوپ. اسىرەسە، شەتتەن كەلگەن تۋريستەر تاڭسىق دۇنيەنىڭ جانىندا سۋرەتكە ءتۇسىپ، جەلىگە جۇكتەپ جاتىر. ءبىر ايتا كەتەرلىگى، سۋ بەتىندە قالقىپ جۇرەتىن وسىمدىك ايرىقشا كۇتىمدى قاجەت ەتپەيدى. تەك اينالاسىن ۋاقىتىلى قوقىستان تازارتىپ وتىرسا جەتكىلىكتى.

Лотос
Фото: Жасұлан Сейдазым

«تۇركىستاندا لوتوستىڭ «تۇڭعيىق» دەپ اتالاتىن ءتۇرى ءوسىپ جاتىر. ول ماۋسىم ايىنان قىركۇيەك ايىنا دەيىن گۇلدەيدى. گۇلى سۋ بەتىندە قالقىپ جۇرگەندەي اسەر بەرەدى. نەگىزىنەن تۇقىم ارقىلى جانە تامىرى ارقىلى كوبەيۋدە. تۇركىستان قالاسىنا 2019 -جىلى جەتكىزىلدى. قازىر ب. ساتتارحانوۆ داڭعىلىنداعى جەلىلىك ساياباقتىڭ 600 شارشى مەترىندە جانە ازىرەت سۇلتان بوتانيكالىق باعىنىڭ 300 شارشى مەتر اۋماعىندا ءوسىپ تۇر»، - دەدى «جاسىل تۇركىستان» ك م م ديرەكتور ورىنباسارى ەربول قايىربەكوۆ.

Лотос
Фото: Жасұлан Сейдазым

اۆتور

قايرات زاينيشيەۆ

سوڭعى جاڭالىقتار