تۇركىستاندا كۇيەۋ جىگىت توي ۇستىندە اسپانعا وق اتتى

تۇركىستان وبلىسىندا ۇيلەنىپ جاتقان جىگىت پەن دوستارى جاۋاپقا تارتىلدى، دەپ حابارلايدى Kazinform پوليتسياعا سىلتەمە جاساپ.

الەۋمەتتىك جەلىگە مونيتورينگ جۇرگىزۋ كەزىندە توي سالتاناتىن ۇيىمداستىرعان جاستار نازارعا ىلىككەن.

جاس جىگىتتەردىڭ شەكتەن شىعىپ، اسپانعا قارۋمەن وق اتقانى، كورتەجدەگى جۇرگىزۋشىلەر جول ەرەجەسىن بۇزىپ، اۆاريالىق جاعداي تۋعىزعانى ۆيدەودان كورىنىپ تۇر.

وقيعا سايرام اۋدانىندا بولعان.

بەينەجازباداعى وق اتقان 19 جاستاعى تۇرعىننان تۇسىنىكتەمە الىنىپ، قولىنداعى سيگنالدىق زات بولىپ شىقتى.

جاس جىگىتكە ا ق ب ت ك 485-بابى 1-بولىگىمەن حاتتاما تولتىرىلدى.

«سونىمەن قاتار جول ەرەجەسىن بۇزعان Toyota Camry اۆتوكولىگىنىڭ جۇرگىزۋشىسىنە شارا قولدانىلدى. وعان قوسا Mercedes Benz جۇرگىزۋشىسى ق ر ا ق ب ت ك- ءنىڭ 606-بابى 1-بولىگى بويىنشا جاۋاپقا تارتىلدى» دەيدى پوليتسيا.
اۆتور
جانات قاپالبايەۆا