08:28, 20 - جەلتوقسان 2023 | GMT +5
تۇركيانىڭ قازاقستانداعى اسكەري اتتاشەسى اۋىستى
قورعانىس ۆەدومستۆوسىندا ءمينيستردىڭ ورىنباسارى، گەنەرال- لەيتەنانت سۇلتان كامالەتدينوۆ قازاقستانداعى تۇركيا ەلشىلىگىنىڭ وكىلدەرىمەن كەزدەستى، دەپ حابارلايدى Kazinform.
ءىس- شارا تۇركيا رەسپۋبليكاسىنىڭ قازاقستانداعى اسكەري اتتاشەسى پولكوۆنيك فاتيح پالا ميسسياسىنىڭ اياقتالۋىنا بايلانىستى ۇيىمداستىرىلدى.
اسكەري ىنتىماقتاستىق سالاسىنداعى جۇمىس قورىتىندىلارىن تالقىلاعاننان كەيىن قازاقستاندىق تاراپقا 2023 -جىلعى قاراشادا وسى قىزمەتتە اككرەديتتەلگەن جاڭا اسكەري اتتاشە پودپولكوۆنيك شەنەر كيمەنچە تانىستىرىلدى.
گەنەرال- لەيتەنانت سۇلتان كامالەتدينوۆ پولكوۆنيك فاتيح پالاعا ەكىجاقتى بايلانىستى دامىتقانى ءۇشىن العىس ايتىپ، جاڭادان تاعايىندالعان اسكەري اتتاشە پودپولكوۆنيك شەنەر كيمەنچەگە قىزمەتتە ساتتىلىك تىلەدى.
اۆتور
جانات قاپالبايەۆا
