تۇركيالىق باسىلىم باحتيەر زاينۋتدينوۆتىڭ تاريحي جەتىستىگى تۋرالى جازدى

تۇرىكتىڭ Cine1haber.com سايتى قازاقستاندىق جارتىلاي قورعاۋشى باحتيەر زاينۋتدينوۆتىڭ رەكوردىنا نازار اۋداردى. Kazinform بۇل تۋرالى Sports.kz سايتىنا سىلتەمە جاساپ حابارلايدى.

«بەشيكتاشتىڭ» قازاقستاندىق جۇلدىزى باحتيەر زاينۋتدينوۆ سوعىلعان گولدار سانى بويىنشا ءوز ەلىنىڭ تاريحىنا ەنگەن. 25 جاسىندا 14 گول سالعان زاينۋتدينوۆ قازاقستان تاريحىنداعى ۇزدىك بومباردير اتاندى. قازاقستاندا 25 جاستاعى بۇل بالادان كوپ گول سوققان ادام جوق»، - دەپ جازدى سايت.

بۇعان دەيىن گول سانى بويىنشا رۋسلان بالتيەۆ رەكورد يەسى بولعانىن (13 گول) ەسكە سالا كەتەيىك. ءبىراق زاينۋتدينوۆ فۋتبولدان 2024 -جىلعى ەۋروپا چەمپيوناتىنىڭ ىرىكتەۋ تۋرنيرىندە فينليانديامەن بولعان ماتچتا دۋبل اۆتورى اتانىپ (2:1)، ونى باسىپ وزدى.

اۆتور

بالنۇر قوجاگەلدى