تۇركيادا ينفلياتسيا بىرتىندەپ باسەڭدەپ جاتىر

استانا. قازاقپارات - تۇركيادا ينفلياتسيا بىرتىندەپ باسەڭدەپ كەلەدى، دەپ حابارلايدى 24kz.

ەلدىڭ ستاتيستيكا ينستيتۋتىنىڭ مالىمەتى بويىنشا وتكەن جەلتوقسان ايىندا ونىڭ دەڭگەيى %45- كە جۋىقتاعان. بۇل 2023 -جىلمەن سالىستىرعاندا %20- كە تومەن. جەرگىلىكتى بيلىك الداعى جىلدارى قىمباتشىلىقتى تولىق شەشەمىز دەپ ۋادە بەرىپ وتىر. ءبىراق كەي تۇرعىنداردىڭ كوڭىلى كۇپتى.

 تۇركيادا سوڭعى بىرنەشە جىلدا ينفلياتسيا حالىقتىڭ ءال-اۋقاتىنا ايتارلىقتاي اسەر ەتتى. اسىرەسە، ازىق-تۇلىك باعاسىنىڭ اي سايىن كوتەرىلىپ، تۇرعىن ءۇي نارىعىنداعى قىمباتشىلىق اۋىر سوعۋدا.

تۇركيا ستاتيستيكا ينستيتۋتىنىڭ مالىمەتىنشە، بىلتىرعى وسى ۋاقىت ارالىعىمەن سالىستىرعاندا باعانىڭ ەڭ كوپ ءوسۋى ءبىلىم بەرۋ سالاسىندا تىركەلدى. مۇندا ينفياتسيا %91,64- كە دەيىن جەتكەن. ودان كەيىن تۇرعىن ءۇي، تاماقتانۋ جانە قوناق ءۇي مەن دەنساۋلىق سالاسىندا بايقالادى. ينفلياتسيا دەڭگەيى ەڭ تومەن دەگەن سالا - تاسىمالداۋ سەكتورىنىڭ وزىندە باعا ءوسىمى %25,88- ءتى قۇراپ وتىر.

 بليتس 1: - جىلدا جالاقىمىز كوتەرىلەدى. ءبىراق ينفلياتسيادان كوپ ۇزاماي اقشا قۇنسىزدانىپ، ازايىپ قالادى. قازىر اتا-اناممەن بىرگە تۇرامىن. اقشانى بارىنشا ۇنەمدەپ جۇمساۋعا تىرىسامىن.

 بليتس 2: - ءيا باعالاردىڭ ءوسۋى كۇندەلىكتى ومىرگە كوپ اسەر ەتىپ وتىر. 4 بالام بار. بىلتىر ينفلياتسيا الدىڭعى جىلدارمەن سالىستىرعاندا ءبىرشاما تومەندەگەن سياقتى بولعانىمەن ءالى دە جوعارى.

دەگەنمەن، تۇركيا بيلىگى ءتۇرلى شارالاردى قولعا الىپ، قىمباتشىلىقپەن كۇرەستى جالعاستىرىپ كەلەدى. حالىقتىڭ ءال-اۋقاتىن جاقسارتۋ ءۇشىن بارلىق سالا وكىلدەرىنىڭ جالاقىسىن كوتەرىپ وتىر. سوڭعى بەس جىلدا ەڭ تومەنگى جالاقى %741 وسكەن. 2022 -جىلى ونىڭ مولشەرى ەكى رەت كوتەرىلگەن. قاڭتار ايىندا 50,5، ال شىلدەدە %29- كە ارتتى. 2023 -جىلى سايكەسىنشە، 54,6 جانە %34، 2024-تە 49، ال بيىل تاعى %30- كە كوتەرىلىپ، 22104 ليراعا دەيىن جەتكەن.