تۇركيادا جىلقى سويعاندار سوتتالادى

жылқы
Фото: Pexels

استانا. قازاقپارات - تۇركيانىڭ دۇزجە قالاسىندا قوقىس جاشىگىنەن جىلقى سۇيەكتەرى تابىلدى. پوليتسيا سۇيەك تاستاعانداردى ىزدەستىرىپ جاتىر. ويتكەنى، ەلدە جىلقى ەتىن جەمەك تۇگىلى، ونى سويۋعا بولمايدى.

بۇعان زاڭ قاتال. جىلقى ەتىن ساتقان نەمەسە قولدانعان قاساپتارعا «بۇزىلعان، وزگەرتىلگەن تاماق نەمەسە ءدارى-دارمەك ساۋداسى» بابىنا سايكەس ءبىر جىلدان بەس جىلعا دەيىن باس بوستاندىعىنان ايىرۋ قاراستىرىلعان. مۇنىڭ سىرتىندا، ايىپپۇل تولەيدى.

ەلدەگى يسلام عۇلامالارى بۇل ماسەلەدە ۇشكە بولىنەدى. بىرەۋلەر حالال دەسە، بىرەۋلەر حارام دەيدى، بىرەۋلەر ماكرۇھ دەيدى. ياعني، باسىبايلى تىيىم سالىنباعانىمەن، ونى تۇتىنۋ ۇسىنىلمايدى. بۇل ماسەلەدە ءمازھابتاردىڭ دا سەنىمدەرى ءارتۇرلى. ءبىرى جىلقى ەتى حالال ەكەنىن ايتسا، باسقاسى حارام دەيدى.

داۆۋت چاكىر، جىلقىشى:

- تۇركيادا جىلقى ەتىن جەمەۋدىڭ ەكى نەگىزگى سەبەبى بار. ءبىرىنشىسى ءدىني بولسا، ەكىنشىسى مادەني-داستۇرلىك. انادولى جەرىندەگى جۇرتشىلىق ەگىن شارۋاشىلىعىمەن اينالىسقان. وتىرىقشى حالىقتىڭ اسحانا ءمازىرى جەمىس-جيدەك جانە كوكونىستەردەن قۇرالعان. ەتتىڭ باسقا تۇرلەرى بار، ارينە. ءبىراق، وتىرىقشى مادەنيەتتە جىلقى ءوسىرۋ وڭاي ەمەس. سوسىن مۇنداعى حالىقتىڭ دەنى حانافي ءمازھابىنا جاتادى. بۇل ءمازحابتا ماكرۋھ.

ال بىلاي كۇللى تۇركى دۇنيەسىندەگى سەكىلدى ات - ەر قاناتى، ەر جىگىتتىڭ سەرىگى سانالادى. وسى تۇسىنىككە بايلانىستى بۇل اۋماقتا جىلقى ەتىن جەۋ ەرسى. جىلقى ەتى- حارام دەگەن تۇسىنىك وسى سەبەپتەرگە بايلانىستى قالىپتاسقان.

www.24.kz

سوڭعى جاڭالىقتار