تۇركيادا جاسوسپىرىم جىگىت پىشاقپەن ادامدارعا شابۋىل جاسادى
استانا. قازاقپارات- تۇركيادا جاسوسپىرىم پىشاق جانە بالتامەن ادامدارعا شابۋىل جاسادى.
تۇركيا پوليتسياسى ەسكيشەحير قالاسىندا ادامدارعا پىشاق پەن بالتامەن شابۋىل جاساعان 18 جاستاعى جىگىتتى ۇستادى.
وقيعا ەسكيشەحير تەپەباشى مەشىتىنىڭ اۋلاسىندا بولعان. شابۋىل سالدارىنان بەس ادام جارالانىپ، جەرگىلىكتى اۋرۋحاناعا جەتكىزىلدى. دارىگەرلەر اۋرۋحاناعا تۇسكەن ەكەۋىنىڭ جاعدايىن اۋىر دەپ باعالادى.
پوليتسيانىڭ مالىمەتىنشە، قىلمىسقا كۇدىكتى 18 جاستاعى ك. اردا بولىپ شىقتى. قىلمىس جاساعان كەزدە ول بەتپەردە مەن كوزىلدىرىك كيىپ، بەتىن جاسىرعان. ونىڭ ۇستىنەن دۋلىعا مەن ساۋىت كيگەن.
قىلمىسكەردىڭ كيىمىندە ءۇشىنشى رەيحتىڭ وككۋلتيستەرى پايدالانعان فاشيستىك «قارا كۇن» ەمبلەماسى دا بولعان. سونىمەن قاتار، شابۋىل كەزىندە جاس جىگىت الەۋمەتتىك جەلىلەردە تىكەلەي ەفيرگە شىققان.
كەيبىر باسىلىمدار جاس جىگىتتىڭ PUBG كومپيۋتەرلىك ويىنىنداعى كەيىپكەرلەردىڭ ءبىرىنىڭ بەينەسىن كوشىرۋگە ارەكەتتەنگەنىن، سونىڭ اسەرىنەن قارۋلى شابۋىل جاساۋدى ۇيعاردى دەپ جازادى.
اۆتور
ەركەجان سماعۇلوۆا
