تۇركيادا 1500 جىل بۇرىن سالىنعان سۋ كانالى تابىلدى

Түркияда 1500 жыл бұрын салынған су каналы табылды
Фото: Анадолы

ماردين. KAZINFORM - تۇركيانىڭ وڭتۇستىك- شىعىسىنداعى ماردين پروۆينتسياسىندا ورنالاسقان كونە دارا قالاسىندا قازبا جۇمىستارى كەزىندە اۋىز سۋ اعىپ تۇرعان 1500 جىل تاريحى بار كانال تابىلدى، دەپ حابارلايدى انادولى اگەنتتىگى.

ءمالىم بولعانداي، ماردين مۇراجايىنىڭ قولعا الۋىمەن قازبا جۇمىستارى ماردين پروۆينتسياسىنىڭ اكىمشىلىك ورتالىعىنان 30 شاقىرىم جەردە 38 جىل بۇرىن باستالعان.

قازىرگى كەزدە ارحەولوگيالىق قازبا جۇمىستارى كونە قالانىڭ اگوراسىندا (ساۋدا الاڭى) جۇرگىزىلىپ جاتىر.

Түркияда 1500 жыл бұрын салынған су каналы табылды
Фото: Анадолы

«شىعىس ريم يمپەرياسى دارا قالاسىن ساسانيدتەر شاپقىنشىلىعىنان قورعانۋ ماقساتىندا سالعان. اگورادا ريم داۋىرىندەگى كانالمەن بىرگە، سونداي- اق 10 ساۋدا ورنى انىقتالدى. كەزىندە اۋدانعا اۋىز سۋ جىبەرىلگەن كانالعا شامامەن ەكى توننا تاس ۇيىلگەن. ارحەولوگتار كانالدىڭ 30 مەترلىك بولىگىن تاپتى»، - دەپ جازادى انادولى.

Түркияда 1500 жыл бұрын салынған су каналы табылды
Фото: Анадолы

ماردين مۇراجايىنىڭ ديرەكتورى جانە قازبا جۇمىستارىنىڭ جەتەكشىسى ابدۋلعاني تاركان انادولى اگەنتتىگىنە بەرگەن سۇحباتىندا ءوز كومانداسى 507 -جىلى يمپەراتور اناستاسيوس نەگىزىن قالاعان دارا قالاسىنىڭ ماڭىزدى ساۋلەت ەسكەرتكىشتەرىنە قول جەتكىزگەنىن ايتقان.

«دارادا ىستانبۇلداعى بازيليك سيستەرناسىنا ۇقساس سۋ سيستەرنالارى بار. قالاعا سۋ سيستەرنادان كانالدار جۇيەسى مەن سەمەنت قۇبىرلار ارقىلى كەلەدى. بۇل - قالانىڭ اۋىز سۋعا قاجەتتىلىگىن وتەۋ ءۇشىن 1500 جىل بۇرىن سالىنعان سۋ قۇبىرى»، - دەپ ءتۇسىندىردى ول.

اۆتور

زارينا تۋعانبايەۆا

سوڭعى جاڭالىقتار