تۇركيا ۇكىمەتى سۋ تاسقىنىمەن كۇرەستە قازاقستانعا كومەكتەسۋگە دايىن ەكەنىن مالىمدەدى
استانا. KAZINFORM - تۇركيا سىرتقى ىستەر مينيسترلىگى قازاقستاننىڭ ءبىرقاتار وڭىرىندەگى سۋ تاسقىنىنا بايلانىستى تۇركيا ۇكىمەتى قازاق حالقىنا جان-جاقتى كومەك كورسەتۋگە دايىن ەكەنىن مالىمدەدى. بۇل تۋرالى Anadolu اگەنتتىگى جازدى.
«قازاقستاننىڭ ءتۇرلى ايماقتارىنداعى سۋ تاسقىنى جاعدايىنىڭ سالدارىن وكىنىشپەن قابىلدادىق»، - دەپ حابارلادى تۇركيا سىرتقى ىستەر مينيسترلىگى.
سۋ تاسقىنى ۇلكەن شىعىن اكەلىپ، سۋ باسقان ايماقتاردا تۇراتىن قازاقستاندىقتاردى ەۆاكۋاتسيالاۋعا ءماجبۇر ەتتى.
قازاقستان حالقى مەن ۇكىمەتىنە شىن جۇرەكتەن تىلەكتەستىگىن جەتكىزگەن مينيسترلىك سۋ تاسقىنىمەن كۇرەستە تۇركيا قازاقستانعا كەز كەلگەن كومەكتى كورسەتۋگە دايىن ەكەنىن ايتتى.
بۇعان دەيىن قىرعىز رەسپۋبليكاسى قازاقستانعا 300 توننا گۋمانيتارلىق كومەك جىبەرگەنىن جازعان بولاتىنبىز.
اۆتور
ەلميرا ورالبايەۆا
