تۇركيا ب ر ي ك س-كە قوسىلۋعا ءوتىنىش بەردى

استانا. KAZINFORM - تۇركيا بيلىگى ب ر ي ك س-كە قوسىلۋ تۋرالى ءوتىنىشتى بىرنەشە اي بۇرىن بەرگەن، دەپ جازادى تاسس Bloomberg اگەنتتىگىنە سىلتەمە جاساپ.

Bloomberg اگەنتتىگىنىڭ حابارلاۋىنشا، تۇركيا وسىلايشا الەمدەگى ىقپالىن كۇشەيتۋگە جانە دامۋشى ەلدەرمەن بايلانىسىن كەڭەيتۋگە ۇمتىلادى. سونىمەن قاتار، ب ر ي ك س-كە دەگەن قىزىعۋشىلىق ەۋروپالىق وداققا كىرۋدە ىلگەرىلەۋدىڭ بولماۋىنا جانە ناتو- داعى وداقتاستارمەن كەلىسپەۋشىلىكتەر اياسىندا پايدا بولدى.

Bloomberg اگەنتتىگىنىڭ حابارلاۋىنشا، ەل پرەزيدەنتى رەجەپ تايىپ ەردوعان باتىس گەوساياسي ورتالىق رەتىندەگى پوزيتسياسىن جوعالتىپ جاتىر جانە كوپ پوليارلى الەمنىڭ ءتۇرلى ويىنشىلارىمەن قارىم-قاتىناستى دامىتۋعا مۇددەلى دەپ سانايدى.

ۆەدومستۆونىڭ مالىمەتىنشە، قاۋىمداستىقتى كەڭەيتۋ ماسەلەسى قازاننىڭ 22-24 ى كۇندەرى قازاندا وتەتىن بريكس سامميتىندە قارالۋى مۇمكىن.

ب ر ي ك س-تى 2006 -جىلى برازيليا، رەسەي، ءۇندىستان جانە قىتاي قۇردى، ال وڭتۇستىك افريكا 2011 -جىلى قوسىلدى. 2024 -جىلدىڭ 1-قاڭتارىندا مىسىر، يران، بىرىككەن اراب امىرلىكتەرى، ساۋد ارابياسى جانە ەفيوپيا توپتىڭ تولىققاندى مۇشەلەرى بولدى. بيىل قاۋىمداستىققا رەسەي ءتوراعالىق ەتەدى.

ەستەرىڭىزگە سالا كەتەيىك، ب ريكس قۇرامىنا مالايزيا، ازەربايجان جانە پالەستينا دا قوسىلۋى مۇمكىن.

سونىمەن قاتار، بۇعان دەيىن قىتايدىڭ قازاقستاننىڭ ب ر ي ك س-كە كىرۋىن قولدايتىنى حابارلانعان بولاتىن.

اۆتور

ەركەجان سماعۇلوۆا