تۇركيا اۋەجايلارىندا لاڭكەستىك قاۋپىنىڭ «قىزعىلت سارى» دەڭگەيى جاريالاندى

استانا. KAZINFORM - تۇركيا اۋەجايلارى تەرروريزم قاۋپىنىڭ ارتۋىنا بايلانىستى «قىزعىلت سارى» قاۋىپ دەڭگەيىنە ءوتتى. مۇنداي شەشىم ەلدە بولۋى مۇمكىن لاڭكەستىك ارەكەتتەر تۋرالى اقپاراتقا جاۋاپ رەتىندە قابىلداندى.

بيلىك ازاماتتار مەن تۋريستەردى اسا قىراعى بولۋعا جانە قاۋىپسىزدىك شارالارىن ساقتاۋعا شاقىردى، دەپ حابارلايدى Kazinform ءتىلشىسى.

قاۋىپتىڭ «قىزعىلت سارى» دەڭگەيى جاعدايعا ەرەكشە نازار اۋدارۋدى قاجەت ەتەتىنىن جانە اۋەجايلاردا قاۋىپسىزدىك شارالارىنىڭ كۇشەيتىلگەنىن بىلدىرەدى. جولاۋشىلاردان قوسىمشا قاۋىپسىزدىك تەكسەرۋلەردەن ءوتۋ ءۇشىن اۋەجايلارعا ەرتەرەك كەلۋ كەرەكتىگى ەسكەرتىلدى. ماماندار ساقتىق شارالارىنىڭ كۇشەيۋىنە بايلانىستى رەيستەردىڭ كەشىگۋى مۇمكىن ەكەنى ايتىلدى.

تانىمال تۋريستىك ايماق تۇركيا بۇدان بۇرىن دا كوپتەگەن لاڭكەستىك قاۋىپتەردى باستان كەشىردى. ەل بيلىگى ازاماتتار مەن قوناقتاردىڭ قاۋىپسىزدىگىن قامتاماسىز ەتۋ ءۇشىن، سونىڭ ىشىندە حالىقارالىق قاۋىپسىزدىك قىزمەتتەرىمەن بىرلەسىپ جۇمىس ىستەۋ ارقىلى بارلىق قاجەتتى شارالاردى قابىلداپ جاتىر.

ابىروي بولعاندا، ناقتى قاۋىپ راستالعان جوق، ءبىراق بيلىك ادامداردى ساق بولۋعا جانە كەز كەلگەن كۇدىكتى ارەكەت تۋرالى حابارلاۋعا شاقىرادى.

جاعداي ۋاكىلەتتى ورگانداردىڭ باقىلاۋىندا. ەل بيلىگى قاۋىپ دەڭگەيىندەگى كەز كەلگەن وزگەرىستەر تۋرالى حالىقتى حاباردار ەتۋگە ۋادە بەردى.

اۆتور

زارينا تۋعانبايەۆا