تۇرعىنداردان شاعىم كوپ - ولجاس بەكتەنوۆ ماڭعىستاۋ وبلىسىنىڭ اكىمىنە تاپسىرما بەردى
استانا. KAZINFORM - ۇكىمەت وتىرىسىندا پرەمەر-مينيستر ولجاس بەكتەنوۆ ماڭعىستاۋ وبلىسىندا قۇبىرى تارتىلعانمەن بەرىلەتىن سۋدى تۇشىلاندىراتىن زاۋىت قۇرىلىسى كەشىگىپ جاتقانىن سىنعا الدى.
«ماڭعىستاۋ وبلىسىنىڭ تۇرعىندارىنان تۇراقتى نەگىزدە شاعىمدار تۇسەدى. وڭىردە جەلىلەر سالىندى، الايدا سۋ تۇشىتۋ زاۋىتتارى مەن قوندىرعىلاردى سالۋ جوبالارىن ىسكە اسىرۋ كەشىگۋدە. وبلىس اكىمىنە قۇرىلىس جۇمىستارىن بەلسەندى جۇرگىزۋدى تاپسىرامىن. دەنساۋلىق ساقتاۋ مينيسترلىگى سۋدىڭ ساپاسى مەن تازالىعىنا باقىلاۋدى كۇشەيتۋى قاجەت»، - دەدى ول.
ولجاس بەكتەنوۆ اتىراۋ قالاسىندا سورعى- سۇزگى ستانسياسىن جاڭعىرتۋ جوباسىن ازىرلەۋ ۇزاققا سوزىلىپ كەتكەنىنە نازار اۋداردى.
«ول نىساننىڭ توزۋ كورسەتكىشى شامامەن %90- عا جەتكەن. اكىمدىككە ءبىرىنشى شىلدەگە دەيىن جوبانى ازىرلەۋدى اياقتاۋدى جانە ونى دەرەۋ ىسكە اسىرۋعا كىرىسۋدى تاپسىرامىن»، - دەدى پرەمەر- مينيستر.
ەسكە سالساق، 17-مامىر كۇنى ماڭعىستاۋ وبلىسىنىڭ اكىمى اۋىسقان ەدى. 21-مامىر كۇنى پرەزيدەنت ايماقتىڭ جاڭا باسشىسىن قابىلداپ، ماڭىزدى مىندەتتەر جۇكتەدى.
اۆتور
ەسىمجان ناقتىباي
