تۇرعىنداردى ءبىر اي بويى قورقىتىپ، اقشا تالاپ ەتكەن التى ادام ۇستالدى

پوليتسيانىڭ مالىمەتىنشە، كۇدىكتىلەر ءبىر اي بويى پاۆلودار تۇرعىندارىنان اقشا بوپسالاعان. ولار تالاپ ەتىلگەن قاراجاتتى بەرمەگەن جاعدايدا كۇش قولداناتىنىن جانە دەنە جاراقاتىن سالاتىنىن ايتىپ قورقىتقان.

جەدەل-ىزدەستىرۋ شارالارى بارىسىندا كۇدىكتىلەردىڭ جەكە باسى انىقتالىپ، التى ادام ۇستالدى. ولاردىڭ بەسەۋى ۋاقىتشا ۇستاۋ يزولياتورىنا قامالدى.

- بوپسالاۋ فاكتىلەرى بويىنشا قىلمىستىق ىستەر قوزعالدى. قازىرگى ۋاقىتتا قاجەتتى تەرگەۋ ارەكەتتەرى جۇرگىزىلىپ، بولعان وقيعانىڭ بارلىق ءمان-جايى انىقتالىپ، سونداي-اق ۇستالعانداردىڭ باسقا دا وسىعان ۇقساس قىلمىستارعا قاتىسى بار-جوعى تەكسەرىلىپ جاتىر، - دەدى پاۆلودار وبلىسى پوليتسيا دەپارتامەنتى ۇيىمداسقان قىلمىسقا قارسى كۇرەس باسقارماسىنىڭ باستىعى عابيت قابدراحمانوۆ.

ەسكە سالايىق، بۇعان دەيىن جامبىل وبلىسىندا جۇك كولىگى جۇرگىزۋشىلەرىن بوپسالاعان توپ ۇستالعانىن حابارلاعان ەدىك.