تەگەران سوعىسقا دايىن

استانا. قازاقپارات - يران سوعىسقا تولىق دايىن، دەگەنمەن بەيبىتشىلىككە ۇمتىلادى. تەگەراننىڭ ماقساتى - گازا سەكتورىندا جانە ليۆاندا بەيبىتشىلىك ورناتۋ

يراننىڭ سىرتقى ىستەر ءمينيسترى ابباس اراكچي باعداتتا يراكتىق ارىپتەسىمەن بىرلەسكەن باسپا ءسوز كونفەرەنسياسىندا وسىلاي مالىمدەدى.

ابباس اراكچي، يراننىڭ سىرتقى ىستەر ءمينيسترى:

- يران يسلام رەسپۋبليكاسى سوعىستان قورىقپايدى. ءبىز كەز كەلگەن جاعدايعا دايىنبىز. دەسە دە تەگەران بەيبىتشىلىككە ۇمتىلادى. گازا مەن ليۆاندا بەيبىت ءومىر ورناعانىن قالايدى. سول ءۇشىن دە كۇش سالادى. يزرايلدىڭ گازا مەن ليۆان حالقىنا قارسى سوعىسى توقتاتىلۋى كەرەك.

سيونيستىك رەجيمنىڭ قىلمىسى گازادا باستالىپ، ليۆاندا جالعاسىپ جاتىر. الداعى ۋاقىتتا ول وزگە مەملەكەتتەرگە دە تاراپ، ايماقتىق قاقتىعىسقا ۇلاسۋى مۇمكىن. قازاننىڭ بىرىنەن بەرى يزرايلدىڭ جاياۋ اسكەرى ليۆاننىڭ وڭتۇستىگىندە حەزبوللا كۇشتەرىنە قارسى وپەراتسياسىن جۇرگىزىپ، اۋە سوققىلارىن جالعاستىرىپ كەلەدى. سودان بەرى 2 مىڭنان اسا ادام قازا تاپتى. ولاردىڭ اراسىندا قوزعالىس كوشباسشىلارى دا بار. ەلدەگى قارۋلى قاقتىعىستان 1 ميلليوننان اسا تۇرعىن بوسقىنعا اينالدى.

24.kz