ترامپتىڭ پرەزيدەنت سايلاۋىنا قاتىسۋ-قاتىسپاۋىن ا ق ش جوعارعى سوتى شەشەدى

трамп
Фото: Pixabay

ا ق ش جوعارعى سوتى دونالد ترامپتىڭ كولورادوداعى رەسپۋبليكالىق پارتيانىڭ پرايمەريزىنە قاتىسۋعا تىيىم سالعان سوت شەشىمىنە بەرگەن اپەللياتسيالىق شاعىمىن قاراۋعا كەلىستى. ءىس اقپان ايىندا قارالىپ، شەشىم بۇكىل ەلگە تارايدى.

كولورادو جوعارعى سوتى دونالد ترامپتى 2021 -جىلعى 6-قاڭتارداعى تارتىپسىزدىكتەگى رولىنە بايلانىستى پارتيانىڭ پرەزيدەنتتىككە كانديداتۋراسىن انىقتاۋ ءۇشىن باستاپقى سايلاۋدا كانديداتتار تىزىمىنەن شىعارۋ كەرەك دەپ شەشتى.

زاڭ تۇرعىسىنان العاندا ا ق ش ازامات سوعىسى كەزىندە ەنگىزىلگەن كونستيتۋتسيالىق تۇزەتۋ ترامپقا قاتىستى قولدانىلا ما دەگەن سۇراق تۋىندايدى.

ا ق ش كونستيتۋتسياسىنا ەنگىزىلگەن 14- تۇزەتۋ «كوتەرىلىسكە نەمەسە بۇلىككە قاتىسقان» كەز كەلگەن ادامعا فەدەرالدى لاۋازىم اتقارۋعا تىيىم سالادى، ءبىراق بۇرىنعى پرەزيدەنتتىڭ ادۆوكاتتارى ونىڭ ترامپقا قاتىسى جوق دەپ ەسەپتەيدى.

«كولورادو جوعارعى سوتىنىڭ شەشىمى كولورادوداعى ميلليونداعان سايلاۋشىنى سايلاۋ قۇقىعىنان ايىرادى جانە بۇل شەشىم بۇكىل ەل بويىنشا ون ميلليونداعان سايلاۋشىنى سايلاۋ قۇقىعىنان ايىرۋ ۇلگىسى رەتىندە پايدالانىلۋى مۇمكىن» دەپ سانايدى ونىڭ ادۆوكاتتارى.

كولورادو رەسپۋبليكالىق پارتياسى شتاتتاعى پرايمەريزدى تولىعىمەن توقتاتىپ، پارتيا مۇشەلەرى بەيرەسمي كەزدەسۋدە اشىق داۋىس بەرۋ ارقىلى پرەزيدەنت كانديداتۋرالارىن بيۋللەتەنسىز راستايتىن كوكۋس پروتسەسىن باستايمىز دەپ قورقىتتى.

كولورادو جوعارعى سوتىنىڭ جەلتوقساندا شىعارعان شەشىمى كونستيتۋتسياعا ەنگىزىلگەن 14- تۇزەتۋ پرەزيدەنتتىككە كانديداتتى ديسكۆاليفيكاتسيالاۋ ءۇشىن قولدانىلعان اقش تاريحىنداعى العاشقى جاعداي بولدى.

اۆتور

ەركەجان سماعۇلوۆا

سوڭعى جاڭالىقتار