12:29, 25 - شىلدە 2024 | GMT +6
ترامپتى اتقان ادام جالعىز ارەكەت ەتكەن
استانا. قازاقپارات – ا ق ش- تىڭ بۇرىنعى پرەزيدەنتى دونالد ترامپقا قاستاندىقتى كۇدىكتى توماس مەتتيۋ كرۋكس جالعىز ءوزى جۇزەگە اسىرعان. ونىڭ سىبايلاستارى بولماعان.
بۇل تۋرالى ا ق ش فەدەرالدى تەرگەۋ بيۋروسى وقيعانى تەرگەۋدىڭ ارالىق قورىتىندىسىن جاريالاۋ كەزىندە بەلگىلى بولدى. بايانداما كونگرەستە تىڭدالدى. كرۋكس ساياساتكەرگە قارسى ارەكەتكە بارماس بۇرىن عالامتوردان ا ق ش- تىڭ بۇرىنعى پرەزيدەنتى دجون كەننەديگە قاستاندىق تۋرالى مالىمەتتەر جيناستىرعان.
شىلدەنىڭ 13- ءى كۇنى پەنسيلۆانيادا دونالد ترامپقا قاستاندىق جاسالىپ، وق ونىڭ وڭ قۇلاعىنا تيگەن ەدى. شابۋىلدان ساياساتكەردىڭ سايلاۋشىلارمەن كەزدەسۋىنە كەلگەن ءبىر ادام كوز جۇمىپ، تاعى 2 كىسى جارالاندى. تەرگەۋشىلەردىڭ ايتۋىنشا، كرۋكس ترامپتى 8 رەت اتقان. ونىڭ جاسىرىنعان ورنىنان وسىنشاما گيلزا تابىلدى.
