ترامپ يناۋگۋراتسيادان كەيىن بىردەن 100-گە جۋىق جارلىققا قول قويۋدى جوسپارلاپ وتىر
استانا. KAZINFORM – ا ق ش- تىڭ جاڭادان سايلانعان پرەزيدەنتى دونالد ترامپ يناۋگۋراتسياسىنىڭ ءبىرىنشى كۇنىندە 100-گە جۋىق جارلىققا قول قويۋعا نيەتتى ەكەنىن ايتتى، دەپ حابارلايدى تاسس.

ترامپ بۇل قۇجاتتار «ا ق ش پرەزيدەنتى دجو بايدەن جاساعان كوپ نارسەنى جويۋعا» باعىتتالعانىن ايتتى.
بۇعان دەيىن ترامپ ناۋقانىنىڭ اعا ەكونوميكالىق كەڭەسشىسى ستيۆەن مۋر جاڭا مەملەكەت باسشىسى قىزمەتكە كىرىسكەن العاشقى كۇنىندە 50-دەن 100-گە دەيىن جارلىققا قول قويۋى مۇمكىن ەكەنىن، ال كەلەسى اپتالاردا ودان دا كوپ جارلىققا قول قويۋى مۇمكىن ەكەنىن مالىمدەگەن.
ترامپتىڭ يناۋگۋراتسياسىنا دايىندىق قىزىپ جاتىر. دونالد ترامپقا جاقىندا جاسالعان قاستاندىق ارەكەتىن جانە ۇلىقتاۋ راسىمىنە كوپ قوناق كەلەتىنىن ەسكەرگەن ا ق ش شەنەۋنىكتەرى ءتارتىپتى قامتاماسىز ەتۋ ءۇشىن كۇش سالىپ جاتىر.
اۆتور
جاراسقان نۇرىبايەۆ