ترامپ پەن زەلەنسكي اراسىندا مينەرالدار بويىنشا كەلىسىمگە قول قويىلماي قالدى

استانا. قازاقپارات - Reuters اگەنتتىگىنىڭ ا ق ش اكىمشىلىگىندەگى دەرەككوزى ا ق ش پەن ۋكراينا پرەزيدەنتتەرى قول قويۋى ءتيىس مينەرالدار تۋرالى كەلىسىمگە قول قويىلماي قالعانىن جەتكىزدى، دەپ حابارلايدى BBC.

ا ق ش پەن ۋكراينا پرەزيدەنتتەرىنىڭ ۆاشينگتوندا وتكەن كەزدەسۋى اياقسىز قالدى. تاراپتار ۋكراينانىڭ جەر قويناۋى تۋرالى ارالىق كەلىسىمگە قول قويمادى. ولار جابىق ەسىك جاعدايىنداعى قىزۋ پىكىرتالاستان سوڭ كەزدەسۋدى شۇعىل توقتاتتى.

ۆلاديمير زەلەنسكيدى قۇرمەتسىزدىك تانىتتى دەپ ايىپتاعان دونالد ترامپ، بىردەن Truth Social الەۋمەتتىك جەلىسىندەگى پاراقشاسىنا جازبا قالدىردى.

ونىڭ ويىنشا، ۋكراينا پرەزيدەنتى بەيبىتشىلىككە دايىن ەمەس.

- بۇگىن ءبىز ءۇشىن وتە ماڭىزدى كەزدەسۋ بولدى. ءبىز وسىنداي قىزۋ اڭگىمەنىڭ جانە قىسىمنىڭ اسەرىمەن بولماسا باسقاداي جاعدايدا ەش تۇسىنۋگە بولمايتىن نارسەلەر تۋرالى بىلدىك، - دەپ جازدى ترامپ.

- بۇنداي ەموتسيادان نەنى تۇسىنۋگە بولادى. مەنىڭ تۇسىنگەنىم، زەلەنسكي ا ق ش ارالاسقالى وتىرعان بەيبىتشىلىككە دايىن ەمەس. ول ءبىزدىڭ قاتىسۋىمىز كەلىسسوزدەر بارىسىندا وعان ۇلكەن باسىمدىق بەرەدى دەپ ويلايدى. 

- ماعان باسىمدىق كەرەك ەمەس، ماعان بەيبىتشىلىك كەرەك. ول بىزگە قۇرمەتسىزدىك تانىتتى. ول بەيبىتشىلىككە دايىن بولعان كەزدە كەلە الادى، - دەپ جازدى ا ق ش پرەزيدەنتى.

زەلەنسكي اق ۇيدەن شىعىپ كەتتى.

وسىعان دەيىن تاراپتار اراسىندا تۋىنداعان داۋ تۋرالى جازعان ەدىك.