ترامپ پەن زەلەنسكي نە تۋرالى سويلەستى
استانا. KAZINFORM - ۋكراينا بۇقارالىق اقپارات قۇرالدارى كەلىسوزدەر اياقتالماعان سوڭ زەلەنسكيدىڭ شۇعىل اق ۇيدەن شىعىپ كەتكەنىن جازدى، دەپ حابارلادى BBC.
اق ءۇي ەكى ەل پرەزيدەنتتەرىنىڭ كەلىسسوزدەرىنەن سوڭ ۇيىمداستىرىلۋى ءتيىس بولعان بىرلەسكەن باسپا ءسوز ءماسليحاتىنىڭ وتپەيتىنىن راستادى.
ا ق ش پرەزيدەنتى دونالد ترامپ Truth Social پاراقشاسىندا كەلىسسوزدەردىڭ بۇزىلعانىن بىلدىرەتىن مالىمدەمە جاريالادى.
- بۇگىن اق ۇيدە ءبىز ءۇشىن وتە ماڭىزدى كەزدەسۋ بولدى. ءبىز وسىنداي قىزۋ اڭگىمەنىڭ جانە قىسىمنىڭ اسەرىمەن بولماسا باسقاداي جاعدايدا ەش تۇسىنۋگە بولمايتىن نارسەلەر تۋرالى بىلدىك. ەموتسيا ارقىلى شىققانى تاڭقالدىرادى. مەنىڭ تۇسىنگەنىم، زەلەنسكي ا ق ش ارالاسقالى وتىرعان بەيبىتشىلىككە دايىن ەمەس. ول ءبىزدىڭ قاتىسۋىمىز كەلىسسوزدەر بارىسىندا وعان ۇلكەن باسىمدىق بەرەدى دەپ ويلايدى. ماعان باسىمدىق كەرەك ەمەس، ماعان بەيبىتشىلىك كەرەك، - دەدى ا ق ش پرەزيدەنتى.
- زەلەنسكي ا ق ش ءۇشىن قاسيەتتى جەردە قۇرمەتسىزدىك تانىتتى. ول بەيبىتشىلىككە دايىن بولعاندا قايتا كەلە الادى، - دەدى ترامپ.
كەزدەسۋ بويىنا جانە باسپا ءسوز ءماسليحاتى بارىسىندا ترامپ بىرنەشە مارتە ءوزىنىڭ بەيىتشىلىكتى قولداۋ ميسسياسى تۋرالى ايتتى.
- ەگەر مەن ولاردىڭ اراسىنا تۇرماعاندا (رەسەي مەن ۋكراينانىڭ) ەشقانداي دا كەلىسىم بولمايتىن ەدى، - دەدى ول.
سونداي-اق ترامپ زەلەنسكيدىڭ پۋتيندى جەك كورەتىنىن، رەسەي باسشىسىنىڭ دا ونى جاقسى كورمەيتىنىن ايتتى.
- سىزدەر مەنىڭ قاتال بولعانىمدى قالايسىزدار ما، مەن بۇرىن سوڭدى سىزدەر كورمەگەن ادامداي قاتال بولا الامىن، ءبىراق سىزدەر ونداي جاعدايدا ەشقاشان كەلىسىمگە دا كەلە المايسىزدار، - دەدى ترامپ.
ول ءوزىنىڭ تەك ا ق ش مۇدەسى ءۇشىن عانا ارەكەت ەتەتىنىن جەتكىزدى.
- مەن پۋتيندى قولداپ وتىرعان جوقپىن، مەن ەشكىمدى دە قولدامايمىن. مەن تەك ا ق ش-تى قولدايمىن، - دەپ مالىمدەدى پرەزيدەنت.
ترامپ پەن زەلەنسكي قاۋىپسىزدىك كەپىلدىگى تۋرالى سۇراق قويىلعاندا اسا قىزبالىقپەن بولماسا دا ءبىر-بىرىمەن داۋلاسىپ قالدى.
ترامپ بۇل پرولەمانىڭ بەرگى جاعى عانا جانە ىستەلۋى ءتيىس ءىستىڭ 2 پايىزى عانا ەكەنىن ايتتى.
زەلەنسكي اتىستى توقتاتۋ ەش ناتيجە بەرمەيتىنىن، سەبەبى پۋتيننىڭ ۋكراينانى جەك كورەتىنىن جەتكىزدى. سول سەبەپتى اتىسى توقتاتۋعا ۋكراينا قاناعاتتانبايدى، وعان قاۋىپسىزدىك كەپىلدىگى كەرەك.
