ترامپ كىشى كەننەديدى ا ق ش-تىڭ دەنساۋلىق ساقتاۋ ءمينيسترىنىڭ ورنىنا ۇسىندى

استانا. قازاقپارات- دونالد ترامپ كىشى روبەرت كەننەديدى ا ق ش دەنساۋلىق ساقتاۋ جانە الەۋمەتتىك قىزمەت ءمينيسترىنىڭ ورنىنا ۇسىندى.

بولاشاق پرەزيدەنتتىڭ ايتۋىنشا، ول ەلدەگى سوزىلمالى اۋرۋلارعا قارسى ءتيىمدى كۇرەس جۇرگىزىپ، تۇرعىنداردى زياندى حيميكات، پەستيتسيد جانە قوسپالاردان قورعاي الادى. ترامپ ۇسىنعان كانديداتۋرانى ەندى سەنات بەكىتۋى ءتيىس.

كىشى كەننەديدىڭ جاسى 70-تە. ول دا بۇعان دەيىن تاۋەلسىز ۇمىتكەر رەتىندە پرەزيدەنت سايلاۋىنا قاتىسقان ەدى. ءبىراق كەيىن باس تارتىپ، ترامپتىڭ قولداۋشىسىنا اينالدى. ترامپ CNN تەلەارناسىنا بەرگەن سۇحباتىندا كىشى كەننەدي سايلاۋالدى دودادان باس تارتسا، وعان جاقسى قىزمەت ۇسىناتىنىن ايتقان بولاتىن.

24.kz