ترامپ: ۋكراينا قاقتىعىستى شەشۋ ءۇشىن رەسەيمەن كەلىسىم جاساعىسى كەلەدى

استانا. KAZINFORM - بۇل تۋرالى دونالد ترامپ الەۋمەتتىك جەلىدەگى پاراقشاسىندا مالىمدەدى.

ا ق ش-تىڭ جاڭادان سايلانعان پرەزيدەنتى دونالد ترامپ ۋكراينانىڭ قاقتىعىستى شەشۋ ءۇشىن رەسەيمەن كەلىسىم جاساسۋدى قالايتىنىن ايتىپ، تەز ارادا اتىستى توقتاتىپ، بەيبىت كەلىسسوزدەردى باستاۋعا شاقىردى.

ول جازبانى Truth Social الەۋمەتتىك جەلىسىندە جاريالادى.

بۇرىن حابارلانعانداي، ا ق ش- تىڭ جاڭادان سايلانعان پرەزيدەنتى دونالد ترامپ پاريجگە نوتر-دام سوبورىنىڭ سالتاناتتى اشىلۋىنا باردى. بۇل دونالد ترامپتىڭ قاراشاداعى سايلاۋدا جەڭىسكە جەتكەننەن كەيىنگى شەتەلگە ءبىرىنشى ساپارى.

Euronews حابارلاعانداي، پاريجدە دونالد ترامپ، ەممانۋەل ماكرون جانە ۆلاديمير زەلەنسكيدىڭ ءۇشجاقتى كەزدەسۋى ءوتتى.

ەلميرا ورالبايەۆا

اۆتور