ترامپ اسكەري-اۋە كۇشتەرى باسشىسى لاۋازىمىنا كانديداتتى تاڭدادى

استانا. KAZINFORM - جاڭادان سايلانعان پرەزيدەنت دونالد ترامپ بۇرىنعى ۇشقىش جانە ۇلتتىق بارلاۋ باسقارماسى ديرەكتورىنىڭ بۇرىنعى ورىنباسارى تروي مەينكتى اسكەري- اۋە كۇشتەرىنىڭ باسشىسى قىزمەتىنە تاعايىندادى، دەپ حابارلايدى ABC News.

Дональд Трамп
Фото: Официальный инаугурационный портрет Дональда Трампа / Daniel Torok

تروي مەينكتىڭ اسكەري سالادا جانە ۇلتتىق قاۋىپسىزدىكتە مەملەكەتتىك قىزمەتتە، سونىڭ ىشىندە سپۋتنيكتىك جانە عارىشتىق بارلاۋمەن بايلانىستى لاۋازىمداردا تاجىريبەسى بار.

كانديداتۋراسى بەكىتىلگەن جاعدايدا ول دونالد ترامپ پرەزيدەنت رەتىندەگى ءبىرىنشى مەرزىمىندە قۇرعان ا ق ش اسكەري-اۋە جانە عارىش كۇشتەرىن باسقاراتىن بولادى.

- تروي ءبىزدىڭ ەلدىڭ قورعانىس ءمينيسترى قىزمەتىنە تانىمال كانديداتىمىز پيت حەگسەتپەن بىرگە اسكەري- اۋە كۇشتەرىمىزدىڭ الەمدەگى ەڭ ءتيىمدى جانە ايبىندى كۇش بولۋىنا كەپىلدىك ەتۋ ءۇشىن جۇمىس ىستەيدى، ويتكەنى ءبىز كۇش ارقىلى بەيبىتشىلىكتى قامتاماسىز ەتەمىز، - دەپ جازدى دونالد ترامپ Truth Social-دا.

تروي مەينك - وڭتۇستىك داكوتا شتاتىنداعى لەممون قالاسىنىڭ تۋماسى. اسكەري-اۋە كۇشتەرىندە ك س-135 ماي قۇيۋشى ۇشاعىندا شتۋرمان بولعان.

ۇلتتىق بارلاۋ باسقارماسىندا ول جاڭا سپۋتنيكتىك تەحنولوگيانى ساتىپ الۋ ءۇشىن 15 ميلليارد دوللاردان استام بيۋدجەتتى قاداعالادى.

بۇعان دەيىن ا ق ش- تىڭ جاڭادان سايلانعان پرەزيدەنتى دونالد ترامپ Fox News جۋرناليسى تەممي بريۋس ا ق ش مەملەكەتتىك دەپارتامەنتىنىڭ باسپا ءسوز قىزمەتىنىڭ جاڭا باسشىسى بولاتىنىن مالىمدەدى.

اۆتور

زارينا تۋعانبايەۆا

سوڭعى جاڭالىقتار