ترامپ دەموكراتتاردىڭ ارەكەتتەرىن تەرگەۋدى ادىلەت مينيسترلىگىنە تاپسىردى
استانا. KAZINFORM — ا ق ش پرەزيدەنتى دونالد ترامپ رەسپۋبليكالىق پارتيا وكىلدەرى مەن ولاردىڭ جاقتاستارىنا دەموكراتيالىق پارتيا مۇشەلەرى تاراپىنان جاسالعان بولجامدى قوقان-لوققىلارعا قاتىستى تەرگەۋ جۇرگىزۋدى ادىلەت مينيسترلىگىنە تاپسىردى. بۇل تۋرالى امەريكالىق كوشباسشى Truth Social الەۋمەتتىك جەلىسىندەگى جازباسىندا مالىمدەدى.
ءوز مالىمدەمەسىندە ترامپ دەموكراتتاردى ا ق ش- تىڭ باس پروكۋرورىن قوسا العاندا، جوعارى لاۋازىمدى تۇلعالارعا قىسىم كورسەتۋگە تىرىستى دەپ ايىپتادى. ونىڭ ايتۋىنشا، دەموكراتتار شەنەۋنىكتەرگە يمپيچمەنت جاريالاۋ جانە وزگە دە جازا قولدانۋ شارالارىمەن قورقىتقان.
سونداي-اق پرەزيدەنتتىڭ مالىمدەۋىنشە، دەموكراتيالىق پارتيا وكىلدەرى رەسپۋبليكالىق پارتيانىڭ دەمەۋشىلەرىنە قاتىستى قىلمىستىق قۋدالاۋ جۇرگىزىپ، ولاردى تۇرمەگە جابامىز دەپ قوقان-لوققى جاساعان.
- بۇل - ەڭ جوعارى دەڭگەيدەگى بوپسالاۋ. مۇنداي ارەكەتتەر ءۇشىن جاۋاپكەرشىلىككە تارتۋ قاجەت، - دەپ جازدى ترامپ.
بۇدان بولەك، ا ق ش پرەزيدەنتى ميچيگان شتاتىنان سايلانعان سەناتور ەليسسا سلوتكيندى سىنعا الدى. ترامپتىڭ ايتۋىنشا، سەناتور رەسپۋبليكالىق كوزقاراستى ۇستاناتىن جاستاردى قۋدالاۋدى كوزدەپ وتىر.
سونىمەن قاتار ترامپ دەموكراتيالىق پارتيا وكىلدەرى ەشقانداي قۇقىق بۇزۋشىلىق جاساماعان ادامدارعا دا قوقان-لوققى سيپاتىنداعى حاتتار جولداعانىن مالىمدەدى.
— وسى مالىمدەمە ارقىلى ادىلەت مينيسترلىگىنە اتالعان قىلمىستىق ارەكەتتەردى دەرەۋ تەرگەۋدى تاپسىرامىن، — دەپ اتاپ ءوتتى ا ق ش پرەزيدەنتى.
الايدا ترامپ ءوز جازباسىندا بولجامدى قوقان-لوققىلارعا قاتىستى ناقتى دالەلدەر كەلتىرمەگەن. ازىرگە رەسمي تەرگەۋدىڭ باستالعانى تۋرالى اقپارات جوق.
بۇل مالىمدەمە ا ق ش- تا كونگرەسكە وتكەن ارالىق سايلاۋدان كەيىن ساياسي كۇشتەردىڭ اراقاتىناسى وزگەرگەن تۇستا جاسالدى.
بۇعان دەيىن 3 -قاراشادا وتكەن ارالىق سايلاۋ قورىتىندىسى بويىنشا دەموكراتيالىق پارتيا ا ق ش كونگرەسىنىڭ وكىلدەر پالاتاسى مەن سەناتىندا باسىمدىققا يە بولعانى حابارلانعان ەدى. كونگرەستىڭ جاڭا قۇرامى 2027 -جىلدىڭ قاڭتارىندا جۇمىسقا كىرىسەدى.
