ترامپ توقايەۆپەن G20 سامميتى اياسىندا كەزدەسۋدى اسىعا كۇتەتىنىن ايتتى
استانا. KAZINFORM - رەسپۋبليكا كۇنىنە وراي پرەزيدەنت قاسىم-جومارت توقايەۆتىڭ اتىنا ا ق ش پرەزيدەنتى دونالد ترامپتىڭ قۇتتىقتاۋ جەدەلحاتى كەلىپ ءتۇستى، دەپ حابارلايدى اقوردا.
- كەيىنگى ءبىر جىل ىشىندە سەرىكتەستىگىمىزدى تەرەڭدەتە تۇسكەنىمىزگە قۋانىشتىمىن. بۇل حالىقارالىق بەيبىتشىلىك پەن قاۋىپسىزدىك سالاسىنداعى ىنتىماقتاستىقتان باستاپ ەكى ەلگە دە پايدالى ماڭىزدى كوممەرتسيالىق كەلىسىمدەرگە دەيىن قامتىدى. 1991-جىلى حالىقارالىق ارەنادا قازاقستاندى ەگەمەن ەل رەتىندە ءبىرىنشى بولىپ قۇراما شتاتتار تانىعان بولاتىن. سوندىقتان ەلىڭىزدىڭ تاۋەلسىزدىگى مەن ەگەمەندىگىن جانە اۋماقتىق تۇتاستىعىن ءاردايىم قولدايمىز. قازاقستاننىڭ تاڭعالارلىق ەكونوميكالىق تابىستارىنا امەريكالىق كومپانيالار دا زور ۇلەس قوسىپ كەلەدى. ەلدەرىمىز اراسىنداعى بەرىك دوستىق ۇزاق جىلدارعا جالعاساتىنىنا سەنىمدىمىن. جەلتوقسان ايىندا وتەتىن G20 سامميتى اياسىنداعى كەزدەسۋدى اسىعا كۇتەمىن، - دەپ جازدى دونالد ترامپ.
پرەزيدەنت رەسپۋبليكا كۇنىمەن قۇتتىقتاعان شەت مەملەكەتتەر باسشىلارىنا العىس ايتقانى جايلى جازعان ەدىك.
