ترامپ كونگرەسستىڭ ماقۇلداۋىنسىز سوپاق كابينەتتى وزگەرتۋگە تىيىم سالدى

بولاشاق پرەزيدەنتتەر سوپاق كابينەتكە قانداي دا ءبىر وزگەرىس ەنگىزۋى ءۇشىن كونگرەسستىڭ ماقۇلداۋى كەرەك بولادى.

— بۇل سوپاق كابينەتكە جانە [اق ۇيدەگى] وتىرىس وتكىزەتىن [پرەزيدەنت] كابينەتكە قاتىستى. بۇل وتە ماڭىزدى بولمەلەر. مەن ولار عاسىرلار بويى تاريحي ەسكەرتكىش بولىپ سانالاتىن قۇجاتقا قول قويامىن. قۇجاتتارعا قول قويىلىپ، ولار زاڭدى كۇشىنە ەنگەننەن كەيىن، ەشكىم بۇل كەرەمەت بولمەلەردى بۇزا المايدى، — دەدى ترامپ بەيسەنبى كۇنى تىلشىلەرگە.

ترامپ ءوزى بەكىتكەن شارالاردى دا كونگرەسس ماقۇلداۋى كەرەكتىگىن ناقتىلادى. ونىڭ ايتۋىنشا، وسىدان كەيىن بولمەلەرگە «قانداي دا ءبىر ماڭىزدى وزگەرىس ەنگىزۋگە بولمايدى».

— كونگرەسستىڭ ماقۇلداۋىنسىز ەشقانداي ماڭىزدى وزگەرىستەر بولمايدى. ءبىز ونى قازىرگى كۇيىندە قالدىرامىز، — دەدى پرەزيدەنت.

ترامپتىڭ تۇسىندا سوپاق كابينەتتىڭ ينتەرەرى ايتارلىقتاي جاڭارتىلدى، اتاپ ايتقاندا التىنمەن اپتالدى.

بۇعان دەيىن ترامپ ترامپ نيۋ-يوركتەگى ساياباقتا ات اربالارعا تىيىم سالۋعا قارسى شىققان بولاتىن.