ۆەتنامنىڭ ەڭ باي ايەلى الاياقتىق جاساعانى ءۇشىن ءولىم جازاسىنا كەسىلدى
استانا. KAZINFORM - ۆەتنامداعى ەڭ باي ايەلدەردىڭ ءبىرى الاياقتىق جاساعانى ءۇشىن ءولىم جازاسىنا كەسىلدى. ول بانكتەن 12,5 ميلليارد دوللار ۇرلاعان، دەپ جازادى ВВС.
حوشيمين قالاسىنىڭ سوتى 67 جاستاعى ۆەتنامدىق ىسكەر ايەل چىونگ مي لاندى 11 جىل بويى ەلدەگى ەڭ ءىرى بانكتەردىڭ ءبىرىن توناپ كەلگەنى ءۇشىن ءولىم جازاسىنا كەستى.
Van Thinh Phat كومپانياسىنىڭ باسشىسى چىونگ مي لان - ۆەتنامدا قارجىلىق قىلمىس جاساعانى ءۇشىن ءولىم جازاسىنا كەسىلگەن ساناۋلى ايەلدەردىڭ ءبىرى.
مۇنداي اۋقىمداعى الاياقتىق بۇرىن سوڭدى بولماعان. چىونگ مي لان Saigon Commercial Bank-تەن 304 تريلليون دونگ (شامامەن 12,5 ميلليارد دوللار) نەسيە العانى ءۇشىن كىنالى دەپ تانىلدى.
ونىڭ ارەكەتىنەن كەلگەن جالپى شىعىن 27 ميلليارد دوللارعا باعالانىپ وتىر جانە سوت ۇكىمى ونى ءدال وسى سومانى قايتارۋعا مىندەتتەيدى، ال ايىپتاۋشى تاراپ بۇل مۇمكىن ەمەس دەپ ەسەپتەيدى.
سوت چىونگقا قىسىم جاساۋ ارقىلى ۇرلانعان اقشانىڭ كەم دەگەندە ءبىر بولىگىن قايتارۋعا ماجبۇرلەۋ ءۇشىن ءولىم جازاسىن تاعايىندادى دەگەن پىكىر ايتىلدى.
چىونگ مي لان كىناسىن مويىندامادى جانە قىلمىستى قاراماعىنداعىلارعا جۇكتەدى.
لاننىڭ وتباسى مۇشەلەرىنىڭ ءبىرى Reuters اگەنتتىگىنە بەرگەن سۇحباتىندا ونىڭ سوت ۇكىمىنە شاعىمداناتىنىن ايتقان.
ايەل حوشيميندە تۇراتىن قىتاي-ۆەتنام وتباسىنان شىققان. ۇلكەن ەتنيكالىق قىتاي قاۋىمداستىعى تۇراتىن بۇل قالا ۇزاق ۋاقىت بويى (سايگون دەپ اتالعان جانە وڭتۇستىك ۆەتنامنىڭ استاناسى بولعان كەزدەن باستاپ) ۆەتنام ەكونوميكاسىنىڭ لوكوموتيۆىنە اينالدى.
لان ەڭ اللىمەن اناسىمەن بازاردا كوسمەتيكا ساتۋمەن اينالىسقان.
ءبىراق 1986 -جىلى كوممۋنيستىك پارتيانىڭ ەكونوميكالىق رەفورمالارى باستاعاننان كەيىن ول جەر مەن جىلجىمايتىن مۇلىك ساتىپ الا باستادى. 1990 -جىلدارى ونىڭ يەلىگىندە بىرنەشە قوناقۇيلەر مەن مەيرامحانالارعا بولعان.
ۆەتنامدىق ب ا ق سوت پروتسەسىن ەگجەي-تەگجەيلى حابارلادى.
ايتۋلارىنشا، ايعاق بەرۋگە 2700 ادام شاقىرىلىپ، ىسكە 10 مەملەكەتتىك ايىپتاۋشى مەن 200-گە جۋىق ادۆوكات قاتىسقان.
ايعاقتى زاتتار سالماعى 6 توننا بولاتىن 104 جاشىككە سالىنعان.
تىونگ ماي لانمەن بىرگە تاعى 85 ادام سوتقا تارتىلىپ، ۇكىمىن كۇتۋدە.
اۆتور
ەركەجان سماعۇلوۆا
