تەلەفون الاياقتارىنىڭ وزدەرىن ۇ ق ك قىزمەتكەرى رەتىندە تانىستىرۋ دەرەكتەرى جيىلەدى

استانا. KAZINFORM - قازاقستاندا قازىر ۇلتتىق قاۋىپسىزدىك كوميتەتى قىزمەتكەرلەرى رەتىندە وزدەرىن تانىستىرىپ جۇرگەن تەلەفون الاياقتارىنىڭ ارەكەتتەرى جيىلەپ كەتتى.

ۇ ق ك باسپا ءسوز قىزمەتىنىڭ مالىمەتىنشە، قاسكۇنەمدەر اقشانى زاڭسىز يەمدەنۋ ماقساتىندا ازاماتتاردان قارجىلىق وپەراتسيالاردى جۇرگىزۋگە قاتىستى كومەك سۇرايدى.

«ۇ ق ك وكىلدەرىنىڭ قىزمەتتىك مىندەتتەرىن ورىنداۋ اياسىندا ازاماتتارعا كرەديت رەسىمدەۋدى، اقشا اۋدارۋدى جانە وزگە دە قارجى وپەراتسيالارىن جاساۋدى ۇسىنۋعا وكىلەتتىگى جوق ەكەنىن حابارلايمىز»، - دەلىنگەن ۇلتتىق قاۋىپسىزدىك كوميتەتى اقپاراتىندا.

سوندىقتان كۇدىك تۋدىراتىن تەلەفون قوڭىراۋلارى مەن حابارلامالار، ونىڭ ىشىندە الەۋمەتتىك جەلىلەر ارقىلى حاتتار كەلىپ تۇسكەن كەزدە پوليتسيا ورگاندارىنا جۇگىنۋ كەرەك.

ەسكە سالا كەتەيىك، بۇعان دەيىن استانا قالاسى سارىارقا اۋدانى پوليتسيا باسقارماسى باستىعىنىڭ ورىنباسارى جاسۇلان جاقاي وڭىرلىك كوممۋنيكاتسيالار قىزمەتىندە وتكەن بريفينگىدە ينتەرنەت الاياقتىقپەن كۇرەس تۋرالى ءبىرقاتار مالىمەت بەرگەنىن جازعان بولاتىنبىز. ونا الاياقتارعا اقشا اۋدارىپ قويعاننان كەيىن پوليتسياعا جۇگىنۋدىڭ ءمانى بار ەكەندىگى ايتىلعان ەدى.

الەۋمەتتىك جەلىدە الدەكىمدەر پاۆلودار وبلىسى اكىمىنىڭ اتىنان پاراقشالار اشقان.

ال، 2023 -جىلى جامبىل وبلىسىندا 200 ادام قارجى پيراميداسىنا الدانعانىن ايتىپ شاعىم تۇسىرگەن بولاتىن.

اۆتور

رۋسلان عابباسوۆ