تەل- اۆيۆ اۋەجايىندا بىردە- ءبىر قازاقستان ازاماتى قالعان جوق
Air Astana كومپانياسىنىڭ ماركەتينگ جانە ساتۋ جونىندەگى ۆيتسە- پرەزيدەنتى ادەل داۋلەتبەك ب ا ق وكىلدەرىنە تەل- اۆيۆ- الماتى رەيسىنىڭ قالاي ورىندالعانى تۋرالى ايتىپ بەردى، دەپ حابارلايدى Kazinform.
«Air Astana» كومپانياسىنىڭ ماركەتينگ جانە ساتۋ جونىندەگى ۆيتسە- پرەزيدەنتى ادەل داۋلەتبەكتىڭ ايتۋىنشا، ەلگە جەتكىزىلگەندەردىڭ باسىم بولىگى قازاقستان ازاماتتارى مەن ولاردىڭ تۋىستارى. 166 جولاۋشىنىڭ ەكەۋى — نارەستە.
«وزدەرىڭىز بىلەتىندەي، بۇل ەلدەگى جاعداي سەنبىدەن باستاپ كۇرت ناشارلادى. وسىعان بايلانىستى Air Astana رەيستەردى توقتاتتى. بۇگىن عانا ەۆاكۋاتسيالىق ۇشۋدى جۇزەگە اسىرۋ مۇمكىن بولدى. كومپانيا باسشىلىعى ازاماتتارىمىزدى ەۆاكۋاتسيالاۋ ءۇشىن شەشۋشى شارالار قابىلدادى. ءبىز تەل- اۆيۆ اۋەجايىندا بىردە- ءبىر قازاقستان ازاماتىن قالدىرمادىق، ولاردىڭ بارلىعىن الىپ كەتتىك. ءبىز بۇل ەلدەگى جاعدايدى ءجىتى باقىلاپ وتىردىق. بۇل وتە شيەلەنىستى جاعداي. جاسىراتىنى جوق، قيىن قادام بولدى، ويتكەنى ول جەردە ءىس جۇزىندە ازاماتتىق رەيستەر قالمادى. ولاردىڭ بارلىعى توقتاتىلدى. سوندىقتان وسى رەيستى ورىنداعانىمىزعا قۋانىشتىمىز»، - دەدى ول.
بۇعان دەيىن 124 قازاقستاندىق ارنايى رەپاترياتسيالىق رەيسپەن ەلگە جەتكىزىلگەنى تۋرالى جازعان ەدىك.
ەسكە سالايىق، 7 -قازان كۇنى پالەستينالىق حاماس توبى يزرايلگە شابۋىل جاسادى.
كەين گازا سەكتورىنان اتىلعان زىمىرانداردىڭ ءبىرى تەل- اۆيۆتەگى بەن- گۋريون حالىقارالىق اۋەجايىنىڭ ماڭىنا تۇسكەنى بەلگىلى بولدى.
اۆتور
الما مۇقانوۆا
