تەحنيكالىق جانە كاسىپتىك ءبىلىم بەرۋ: كوللەدجدەرگە 145 مىڭ گرانت ءبولىندى

استانا. KAZINFORM - جاڭا وقۋ جىلىندا ەلىمىزدىڭ كوللەدجدەرىندە مەملەكەتتىك ءبىلىم بەرۋ تاپسىرىسىنىڭ كولەمى 145 مىڭ ورىنعا دەيىن ارتتى. بۇل وتكەن جىلمەن سالىستىرعاندا 12 مىڭ ورىنعا كوپ، دەپ حابارلايدى ق ر وقۋ-اعارتۋ مينيسترلىگىنىڭ باسپا ءسوز قىزمەتى.

وسىلايشا، ستۋدەنتتەردى سۇرانىسقا يە ماماندىقتار بويىنشا تەگىن تەحنيكالىق جانە كاسىپتىك بىلىممەن قامتۋ %90- دى قۇرادى.

مەملەكەت باسشىسىنىڭ تاپسىرماسى بويىنشا مەملەكەتتىك تاپسىرىستىڭ %65 ماشينا جاساۋ، كولىك، ەنەرگەتيكا، IT، قۇرىلىس جانە ينجەنەريا سەكىلدى تەحنيكالىق ماماندىقتارعا باعىتتالعان. 2025 -جىلعا قاراي بۇل كورسەتكىش %70- عا، ال مەملەكەتتىك تاپسىرىس كولەمى %100- عا دەيىن وسەدى.

سونداي-اق كوللەدجدەرگە تالاپكەرلەردى كاسىپورىنداردىڭ وتىنىمدەرى بويىنشا جۇمىسقا ورنالاستىرۋ مىندەتتەمەسىمەن قابىلداۋ جالعاسۋدا. ول بويىنشا جىل سايىن 10 مىڭ تالاپكەر قابىلدانادى. بۇل كادرلاردى ەڭبەك نارىعىنىڭ تالابىنا سايكەس دايىنداۋعا مۇمكىندىك بەرەدى.

مامان دايارلاۋدىڭ ماڭىزدى بولىگى - بيزنەسپەن ىنتىماقتاستىق قۇرۋ بولىپ تابىلادى. قازىرگى ۋاقىتتا 518 كاسىپورىن 410 كوللەدجدىڭ تۇلەكتەرىن پراكتيكالىق دايارلاۋعا، جۇمىسقا ورنالاستىرۋدى قامتاماسىز ەتە وتىرىپ، دۋالدى وقىتۋعا جانە شەفتىك قامقورلىق كورسەتۋگە قاتىسۋدا.

بۇل شارالاردىڭ بارلىعى جاس مامانداردى كاسىبي دايىنداۋعا جانە ەلىمىزدىڭ كادرلىق الەۋەتىن ارتتىرۋعا باعىتتالعان.

اۆتور

ەربول جانات