تازابەك يكراموۆ: جاۋ عانا تۋىن جاسىرىن اۋىستىرادى

جاڭا تۋ قۇرمەتتى قاراۋىل، سالتاناتتى ءانۇران اياسىندا جانە مەملەكەتتىك حاتشىنىڭ قاتىسۋىمەن كوتەرىلۋى ءتيىس بولاتىن. جوگوركۋ كەنەش دەپۋتاتى تازابەك يكراموۆ Facebook پاراقشاسىندا وسىلاي دەپ جازدى. Kazinform بۇل تۋرالى 24.kg سايتىنا سىلتەمە جاساپ حابارلايدى.

«ب ا ق وكىلدەرىنىڭ قاتىسۋىمەن وتكەن جيىندا مەملەكەتتىك حاتشى تۋدىڭ تۇزەتىلۋ سەبەبىن جانە قاي جەردە تۇزەتۋلەر ەنگىزىلگەنىن ءتۇسىندىرۋى ءتيىس ەدى. تۋ جاي نارسە ەمەس. بۇل تۇتاس يدەولوگيا! سونىمەن قاتار، جوگوركۋ كەنەش ۇسىنعان تۋدىڭ نۇسقاسى باسقا، ۋيكيپەديادا كورسەتىلگەن تۋ باسقا. بۇل تەك حالىقتىڭ نارازىلىعىن تۋدىرادى»، - دەپ جازدى ول.

حالىق دەپۋتاتى جەدەل تۇردە پرەزيدەنت باسقاراتىن مەملەكەتتىك كوميسسيا قۇرىپ، ءتيىستى تۇلعالاردى جاۋاپقا تارتۋدى ۇسىندى.

«مۇنسىز قوعام اراسىنداعى نارازىلىق كۇشەيە بەرەدى»، - دەپ تۇيىندەدى ول.

اۆتور

ەركەجان سماعۇلوۆا