تايلاند ستۋدەنتى «الەم ارۋى-2025» بايقاۋىندا جەڭىسكە جەتتى
استانا. KAZINFORM - «الەم ارۋى-2025» حالىقارالىق سۇلۋلىق بايقاۋىندا تايلاندتىق سۋچاتا چۋانگسري جەڭىسكە جەتتى، دەپ حابارلايدى Kazinform بايقاۋدىڭ رەسمي سايتى missworld.com-عا سىلتەمە جاساپ.
72- رەت وتكەن بايقاۋدا الەمنىڭ ءار ەلىنەن كەلگەن 108 بويجەتكەن باق سىنادى.
21 جاستاعى سۋچاتا چۋانگسري جەڭىمپاز دەپ تانىلدى.
ول حالىقارالىق قاتىناستار فاكۋلتەتىنىڭ ستۋدەنتى جانە مودەل بولىپ جۇمىس ىستەيدى. سۋچاتا سونىمەن قاتار پسيحولوگيا مەن انتروپولوگياعا قىزىعۋشىلىق تانىتادى جانە ءسۇت بەزى قاتەرلى ىسىگىن زەرتتەۋ ۇيىمدارى ەرىكتىلەرىنىڭ قاتارىنا ەنگەن.
سۇلۋ بويجەتكەن بايقاۋ تاريحىنداعى «الەم ارۋى» ءتاجىن جەڭىپ العان تايلاندتىڭ العاشقى وكىلى بولدى.
- بۇل تەك مەنىڭ جەڭىسىم ەمەس. الداعى ۋاقىتتا «الەم ارۋى» اتاعىمەن كوپ جەتىستىككە، ۇلكەن وزگەرىستەرگە قول جەتكىزۋگە تىرىسامىن، - دەدى جەڭىمپاز.
جارىستىڭ فينالى ءۇندىستاننىڭ حايداراباد قالاسىندا ءوتتى. ءبىرىنشى ۆيتسە-ميسس اتاعى ەفيوپيالىق حاسەت دەرەدجە ادماسسۋعا بەرىلدى.
بۇعان دەيىن «الەم ارۋى-2024» بايقاۋىندا دانيالىق بويجەتكەن جەڭىمپاز بولعان ەدى.
