تايۆانداعى ا ە س-تە بولعان ءورت: رادياتسيا دەڭگەيى قانداي
استانا. KAZINFORM - تايۆانننىڭ وڭتۇستىگىندەگى اتوم ەلەكتر ستانسياسىندا تۇتانعان ءورت ءسوندىرىلدى جانە قاۋىپ توندىرمەيدى، دەپ حابارلايدى Reuters.
بۇل تۋرالى بەيسەنبى كۇنى Taiwan Power Company ەنەرگەتيكالىق كومپانياسى حابارلادى.
كومپانيا مالىمدەمەسىنە سايكەس، پيندۋن ۋەزىندەگى ماانشان اتوم ەلەكتر ستانساسىنداعى ءورت يادرولىق جابدىقتان 50 مەتردەي جەردە بولعان جانە ەلەكتر قۋاتىن وندىرۋگە اسەر ەتپەگەن.
يادرولىق قاۋىپسىزدىك جونىندەگى كوميسسيا رادياتسيالىق قاۋىپ جوق ەكەنىن جانە بارلىق بلوك قالىپتى رەجيمدە جۇمىس ىستەپ جاتقانىن مالىمدەدى، دەپ جازدى TaiwanPlus.
وتكەن جىلى جاپونيانىڭ 2011 -جىلى زارداپ شەككەن ايماعىندا العاش رەت يادرولىق رەاكتور قايتا ىسكە قوسىلدى.
الايدا كەيىن ونىڭ جۇمىسى توقتاتىلدى، بۇعان رەاكتوردىڭ جاعدايىن تەكسەرەتىن قۇرىلعىنى ورناتۋ كەزىندە قيىندىقتار تۋىنداۋى سەبەپ بولدى.
اۆتور
زارينا تۋعانبايەۆا
