تايۆان 120 مىڭ يگۋانانى ءولتىرۋدى جوسپارلاپ وتىر
استانا. KAZINFORM - يگۋانالار ارالدىڭ اۋىل شارۋاشىلىعى سالاسىنا ايتارلىقتاي زيان كەلتىرىپ جاتىر، دەپ حابارلايدى Associated Press.

ورمان شارۋاشىلىعى جانە تابيعاتتى قورعاۋ اگەنتتىگىنىڭ قىزمەتكەرى چيۋ گو-حاونىڭ ايتۋىنشا، ەگىن شارۋاشىلىعىمەن اينالىساتىن ارالدىڭ وڭتۇستىك جانە ورتالىق ايماقتارىندا 200 مىڭعا جۋىق باۋىرىمەن جورعالاۋشى مەكەندەيدى.
ارنايى جالدانعان توپتار وتكەن جىلى شامامەن 70 مىڭ يگۋانانى ءولتىرىپ، ءارقايسىسى ءۇشىن 15 دوللارعا دەيىن سىياقى الدى.
- كوپتەگەن ادام ولاردى سۇيكىمدى كىشكەنتاي ءۇي جانۋارلارى رەتىندە ساتىپ الادى. ءبىراق يگۋانانىڭ قانشالىقتى ۇلكەن بولاتىنىن بىلمەيدى. كەيىن ولاردى جابايى تابيعاتقا قايتا جىبەرەدى. باۋىرىمەن جورعالاۋشىلار تايۆانداعى دالالى جەرلەرگە جاقسى بەيىمدەلىپ كەتەدى. بۇل ولاردىڭ تەز كوبەيۋىنە جول اشادى. ەندى ءبىز ولاردى جويۋعا جانە تابيعي تەپە-تەڭدىكتى قالپىنا كەلتىرۋگە ءماجبۇر بولىپ وتىرمىز، - دەپ اتاپ ءوتتى وڭتۇستىك پينتۋن وكرۋگى اۋىلشارۋاشىلىق دەپارتامەنتىنەن لي چي-يا.
تايۆاندا جاسىل يگۋانالاردىڭ تابيعي جىرتقىش تۇرلەرى جوق. ەركەك دارالارىنىڭ ۇزىندىعى 2 مەترگە دەيىن، سالماعى 5 كەلىگە دەيىن جەتەدى جانە 20 جىلعا دەيىن تىرشىلىك ەتەدى. ال ۇرعاشىلارى ءبىر ۋاقىتتا 80-گە دەيىن جۇمىرتقا سالا الادى.
جاسىل يگۋانا اگرەسسيا كورسەتپەيدى. ولاردىڭ ازىعى نەگىزىنەن جەمىستەر، جاپىراقتار جانە وسىمدىكتەردەن تۇرادى. كەيدە ۇساق جانۋارلارمەن قورەكتەنەدى.
اۆتور
زارينا تۋعانبايەۆا