تارازدا قوقىستان «پودەزد» ساندەيتىن قاريا تۇرادى
تاراز. KAZINFORM - تاراز تۇرعىنى - يۋري الەكساندروۆيچ حالىق اراسىندا «نارودنىي سكۋلپتور» اتانىپ كەتكەن. سەبەبى ونىڭ قولىمەن بەزەندىرىلگەن ءوز ءۇيىنىڭ كىرە بەرىسى، ياعني «پودەزدى» ءار ادامنىڭ تاڭدانىسىن تۋدىرماي قويماسى انىق.
اۋەسقوي ۇستانىڭ جۇمىستارى جاقىندا جەرگىلىكتى پابليكتەردىڭ بىرىندە جاريالانىپ، ءبىر كۇندە مىڭداعان قارالىم جيناپ تا ۇلگەردى. وسى ورايدا Kazinform ءتىلشىسى دە يۋري الەكساندروۆيچپەن جولىعىپ، تىلدەسىپ قايتقان ەدى.
«نەگىزى قولونەرگە بالا كەزىمنەن قىزىعامىن. ءبىراق اسكەري بورىشىمدى وتەپ جۇرگەندە ونى ءارى قاراي جەتىلدىرىپ، اينالىسا باستادىم. نەگىزگى ماماندىعىم - تەحنيك. بۇل تەك حوببيىم دەپ ايتۋعا بولادى.
2012 -جىلى جۇبايىم قايتىس بولدى. سول كەزدە كوڭىلىمدى باسقا نارسەگە بۇرىپ، ايەلىمە دەگەن ساعىنىشىمدى باسۋ ءۇشىن ءتۇرلى بۇيىمدار جاساۋعا كىرىستىم»، - دەيدى ول.
ءبىر قىزىعى، جاسى 90 عا تاياعان قاريا تۋىندىلارىنا نەگىزىنەن قوقىس قالدىقتارىن پايدالانادى. فوتو سالاتىن جاقتاۋلار، جيەكتەر، ءتۇرلى مۇسىندەر جاي عانا سۋسىنداردان بوساعان ىدىستاردان، اعاش قالدىقتارى مەن پلاستيك قالدىقتارىنان جاسالعان.
«ءوزىڭىزدىڭ تۇراتىن اۋلاڭىزدىڭ، پودەزىڭىزدىڭ تابالدىرىعىنان باستاپ اسەمدەلىپ، كوڭىلگە قۋانىش سىيلاپ تۇرسا، ءبىر عانيبەت ەمەس پە؟ بىلگەنىمدى جەتىلدىرۋ ءۇشىن، اينالاعا اسەمدىك سىيلاۋ ءۇشىن مەن قاراجاتىمدى اياعان ەمەسپىن. جۇمىسىما قىزىققان جاندارعا تاپسىرىسپەن قالاعان دۇنيەلەرىن جاساپ بەرەمىن.
ءوزىمنىڭ بىلگەنىمدى جاستارعا تەگىن ۇيرەتىپ، بولىسكىم كەلەدى. تارازداعى ءبىراز وقۋ ورنىنا تەگىن كۋرس وتكىزەتىنىمدى ايتىپ، ۇسىنىسپەن دە شىقتىم. ءبىراق، وكىنىشكە قاراي، ول ۇسىنىسىمدى ەشبىر ءبىلىم وشاعى قابىل المادى. قىزىعۋشىلىق تانىتقان جاستار دا جوقتىڭ قاسى»، - دەيدى يۋري الەكساندروۆيچ.
اۆتور
ەلۆيرا جارىلقاسىنوۆا
