تانىمال باسىلىم الماتىنى ەڭ ۇزدىك تۋريستىك باعىتتار تىزىمىنە ەنگىزدى

The New York Times بيىل، 2024 -جىلدا كورۋگە بولاتىن الەمدەگى 52 ورىننىڭ ءداستۇرلى ءتىزىمىن جاريالادى، دەپ حابارلايدى Kazinform تۋريزم جانە سپورت مينيسترلىگىنە سىلتەمە جاساپ.

تانىمال باسىلىمنىڭ نۇسقاسى بويىنشا الماتى تىزىمدە 25-ورىندا تۇر.

«الماتى ەكى ميلليون حالقى بار قازاقستاننىڭ ەڭ ءىرى قالاسى بولا تۇرا، بەيبىت، ءبىراق بەلسەندى شاحار اسەرىن قالدىرادى. الماتىنىڭ مادەني ورتالىق رەتىندەگى مارتەبەسى ونىڭ گاسترونوميالىق ومىرىندە ايقىن كورىنەدى. ۇن، سۋ جانە ەتكە نەگىزدەلگەن «نەو- نومادتار» اسحاناسى گيپەر-زاماناۋي ستيلدە ۇسىنىلعان؛ ونى AUYL نەمەسە TÖR رەستوراندارىندا كورە الاسىز. Lanzhou Noodle مەيرامحاناسى قىتاي تاعامدارىن، ال Sensilyo Coffee نەمەسە JumpinGoat كافەلەرى - كەرەمەت كوفە ۇسىنادى. كوك بازارداعى جەمىستەر مەن جاڭعاقتاردى تاماشالاڭىز، سودان كەيىن جاقىندا كەڭەستىك ءداۋىرى عيماراتىندا اشىلعان ۇلكەن ازىق- تۇلىك بازارىندا PlatformA- عا بارىڭىز»، - دەپ جازدى رەداكسيا.

ماقالا اۋليە ۆوزنەسەنسك سوبورىنىڭ فوتوسۋرەتىمەن بىرگە جۇرەدى.

«قازاقستان سوڭعى جىلدارى الەمدىك ب ا ق رەيتينگىنە ءجيى ىلىگىپ كەلەدى جانە New York Times تىزىمىنە ەنۋ تۋريستەردىڭ ءبىزدىڭ ەلىمىزگە دەگەن قىزىعۋشىلىعىنىڭ ارتىپ كەلە جاتقانىن انىق بىلدىرەدى»، - ق ر تۋريزم جانە سپورت ۆيتسە- ءمينيسترى ەرجان ەركىنبايەۆ.

الماتى - بۇل رەيتينگىگە ەنگەن ايماقتاعى جالعىز قالا. بۇعان دەيىن 2017 -جىلى قازاقستان ەكسپو-2017 كورمەسى قارساڭىندا وسى تىزىمگە ەنگىزىلگەن بولاتىن.

اۆتور

ەلميرا ورالبايەۆا