تامارا دۇيسەنوۆا مەديتسينالىق كومەك ساپاسى جايلى: ولقىلىقتار بار، مويىندايمىز

тамара
Фото: ҚР Үкіметі

استانا. KAZINFORM - بيىل ەلىمىزدىڭ وڭىرلەرىندە العاشقى مەدتسينالىق كومەك كورسەتەتىن 321 نىسان سالىنىپ جاتىر. بۇل تۋرالى پارلامەنت پالاتالارىنىڭ بىرلەسكەن وتىرىسىندا پرەمەر- ءمينيستردىڭ ورىنباسارى تامارا دۇيسەنوۆا ايتتى.

«ۇلت دەنساۋلىعى - وتە وزەكتى ماسەلە. سوندىقتان بۇل ماسەلە ەش ۋاقىتتا ۇكىمەتتىڭ كۇنتارتىبىنەن تۇسكەن ەمەس. ارينە، مەديتسينالىق كومەكتىڭ ساپاسى، قولجەتىمدىلىگى، ونىڭ ازاماتتاردىڭ كوڭىلىنەن شىعۋىنا قاتىستى ولقىلىقتار بار. ونى مويىندايمىز. ءبىراق، مەملەكەت باسشىسىنىڭ تاپسىرمالارى اياسىنا ۇكىمەت قازىر بىرنەشە باعىتتا جۇمىس ىستەپ جاتىر. ونىڭ ءبىرى وزدەرىڭىزگە بەلگىلى، وتكەن جىلدان باستاپ اۋىل تۇرعىندارىن ساپالى مەديتسينالىق قىزمەتپەن قامتاماسىز ەتۋ ءۇشىن ۇلتتىق جوبا باستالدى. وتكەن جىلى 92 نىسان سالساق، بۇگىنگى تاڭدا 321 نىساننىڭ قۇرىلىسى باستالىپ كەتتى»، - دەدى ول.

ونىڭ اتاپ وتۋىنشە، الداعى ەكى جىلدىڭ ىشىندە 655 نىسان اۋىلداعى ازاماتتاردىڭ يگىلىگىنە بەرىلەدى.

«بۇل - تەك قانا العاشقى مەديتسينالىق قىزمەت كورسەتەتىن عانا ەمەس، زاماناۋي نىساندار دەپ ايتساق تا بولادى. وندا تەك نىساننىڭ ءوزى عانا ەمەس، قاجەتتى قۇرىلعىلار دا قاراستىرىلىپ وتىر»، - دەدى ۆيتسە- پرەمەر.

اۆتور

مارلان جيەمباي

سوڭعى جاڭالىقتار