تالدىقورعانداعى دەمالىس ورىندارىنىڭ بىرىندە اتىس بولدى
تالدىقورعان. قازاقپارات - 15- ماۋسىمدا تالدىقورعاننىڭ دەمالىس ورىندارىنىڭ بىرىندە وق اتىلدى. وقيعا Instagram الەۋمەتتىك جەلىسىندەگى Taldykorganec.insta پاراقشاسىندا جاريالاندى. ونداعىلاردىڭ سوزىنشە، بۇزاقىلىق جاساعانداردىڭ قاتارىندا اسكەري قىزمەتشى بولعان.

كۋاگەرلەردىڭ ايتۋىنشا، اكىمشىلىك قىزمەتكەرى ازاماتتان قىزمەت قۇنىن تالاپ ەتكەن. ءبىراق دەمالۋشىلار دەمالىس ورىنىنا اقشا تولەۋدەن باس تارتقان. ونىڭ سوڭى جانجالعا ۇلاسقان.
جەتىسۋ وبلىستىق پوليتسيا دەپارتامەنتى اتالعان وقيعانىڭ ءمان-جايىن انىقتاپ، تەكسەرۋ جۇرگىزىپ جاتقاندارىن حابارلادى. توبەلەسكە قاتىستىلاردىڭ بارلىعى ۇستالىپ، ولاردىڭ ءبىرى اسكەري ادام ەكەنى بەلگىلى بولدى.
«توبەلەستى باستاعانداردىڭ انىقتالعانىن حابارلايمىز، ولاردىڭ ءبىرى - اسكەري قىزمەتشى. اتالعان فاكتى بويىنشا تەرگەۋدى اسكەري-تەرگەۋ باسقارماسى جۇرگىزەدى»، - دەدى جەتىسۋ وبلىستىق پوليتسيا دەپارتامەنتىنىڭ باسپا ءسوز قىزمەتى.
اۆتور
ديانا تۇرلىبەك