تالدىقورعاندا وقۋشى قىز 16-قاباتتان قۇلاپ كوز جۇمدى
تالدىقورعان. KAZINFORM - وقيعا 16- مامىر كۇنى كەشكى جەتى شاماسىندا، بولاشاق شاعىناۋدانىندا بولعان. جاس ءوسپىرىم 16-قاباتتان سەكىرىپ، كوز جۇمدى.
وبلىستىق ءبىلىم باسقارماسىنىڭ مالىمەتىنشە، مارقۇم قالاداعى جەكەمەنشىك مەكتەپتەردىڭ بىرىندە 11-سىنىپتا وقىعان. اناسىنىڭ ايتۋىنشا، بويجەتكەن ءوزىن جايسىز سەزىنىپ، ۇيىندە اۋىرىپ جاتقان.
«ساباق ۇلگەرىمى جاقسى، مىنەزى تۇيىق، سىنىپتاستارىنان وقشاۋلانىپ جۇرەتىن، مەكتەپ ىشىلىك ەسەپكە الىنباعان. 21- مامىر كۇنىنە ۇ ب ت تاپسىرۋعا تىركەلگەن. الەۋمەتتىك جاعدايى ورتاشا، كوپبالالى وتباسى، وتباسىنداعى 4- بالا. ساباققا كەلمەگەن كۇندەرىنە دەنساۋلىعىنا بايلانىستى انىقتاما اكەلەتىنىن ەسكەرتكەن»، - دەيدى وبلىستىق ءبىلىم باسقارماسىنىڭ باسپا ءسوز قىزمەتى.
قازىرگى ۋاقىتتا تەرگەۋ امالدارى ءجۇرىپ جاتىر.
قىزدىڭ كوپقاباتتى ۇيدەن قۇلاۋ فاكتىسى بويىنشا سوت-مەديتسينالىق ساراپتاما تاعايىندالىپ، تەرگەۋ باستالعان.
«سوتقا دەيىنگى تەرگەۋ دەرەكتەرى قىلمىستىق پروتسەسسۋالدىق كودەكستىڭ 201-بابىنا سايكەس جاريا ەتۋگە جاتپايدى»، - دەدى جەتىسۋ وبلىستىق پوليتسيا دەپارتامەنتىنىڭ باسپا ءسوز قىزمەتى.
