تالدىقورعاندا وقۋشى كوشەت وتىرعىزاتىن روبوت قۇراستىردى

استانا. قازاقپارات - جەتىسۋ وبلىسىنىڭ جاس ونەرتاپقىشتارى كوشەت وتىرعىزاتىن روبوت قۇراستىردى. جاساندى ينتەللەكتپەن باسقارىلاتىن قۇرىلعى جەردى بۇرعىلاپ، ۇڭعىماعا تال شىبىقتاردى كونۆەيەرمەن ءتۇسىرىپ، قازىلعان توپىراقتى قايتادان كومىپ وتىرادى.

وسىلايشا ءبىر ساعاتتا 180 كوشەت ەگە الادى. ورناتىلعان بەينەكامەرالار الدىنداعى كورىنىستى سكانەرلەپ بوگەتتەردى اينالىپ وتۋگە مۇمكىندىك بەرەدى. اعاش وتىرعىزىپ عانا قويماي، قوقىستى دا جينايتىن روبوت 20 شاقتى ادامنىڭ جۇمىسىن ىستەي الادى، دەيدى نازاربايەۆ زياتكەرلىك مەكتەبىنىڭ وقۋشىلارى.

ولار جوبانى «تازا قازاقستان» جالپى ۇلتتىق ەكولوگيالىق اكسياسى باستالعاندا قولعا العان. ءبىر جىلدا جاساپ شىققان قۇلتەمىردى جاسوسپىرىمدەر گەرمانيادا وتكەن روبوتوتەحنيكا بايقاۋىنا اپارىپ، ءۇشىنشى ورىن يەلەندى.

اياۋلىم اليەۆا، جاس ونەرتاپقىش:

- بۇل يدەياعا نەگىزگى كەلۋ سەبەبىمىز، ول ءبىزدىڭ قازاقستانعا كومەكتەسۋ. ياعني ەكولوگيالىق پروبلەمالاردىڭ شەشىمىن تابۋ بولىپ تابىلادى. ءبىز بىلەتىندەي قازاقستاندا نەشە ءتۇرلى ەكولوگيالىق پروبلەمالار بار. جانە ولار جاسىرىلمايدى دا. ءبارىمىز بىلەمىز ول تۋرالى. سولاردىڭ شەشىمىن تابۋ ءۇشىن ءبىز «كوزقاراس» كومانداسىمەن وسى پروەكتى باستاعان بولاتىنبىز.

24.kz