تالدىقورعاندا جەدەل جاردەم كولىگى جول ەرەجەسىن بۇزعاندارعا ايىپپۇل سالادى
تالدىقورعان. KAZINFORM - تالدىقورعاندا العاش رەت جەدەل جاردەم كولىگىنە بەينەباقىلاۋ كامەراسى ورناتىلدى. زاماناۋي قۇرىلعى ەرەجە بۇزعانداردى قالت جىبەرمەيدى.
جەتىسۋ وبلىسىنىڭ جەدەل جاردەم ستانسياسى قالا تۇرعىندارىنا قىزمەت ەتەتىن رەانيموبيلگە بەينەباقىلاۋ كامەراسىنىڭ ورناتىلعانىن مالىمدەدى. قۇرىلعى جول قوزعالىسى ەرەجەلەرىن بۇزعان كولىكتەردى تىركەپ، ايىپپۇلداردى اۆتوماتتى تۇردە جۇرگىزۋشىگە جىبەرەدى. بۇل يننوۆاتسيالىق تەحنولوگيا بۇعان دەيىن پاترۋلدىك پوليتسيا كولىكتەرىندە سىناقتان وتكەن.
- كامەرا 360 گرادۋستىق شولۋ جاساي الادى. الدىڭعى جانە ارتقى كامەرالاردىڭ 4 كورىنىستى تۇسىرۋگە دەيىن مۇمكىندىگى بار. سونداي-اق كولىكتىڭ سالونى دا قوسىمشا كامەرامەن جابدىقتالعان. مۇنداي شەشىم جولداعى قاۋىپسىزدىكتى ازايتىپ، جۇرگىزۋشىلەردىڭ ەرەجەلەردى ساقتاۋىنا ىقپال ەتەدى، - دەلىنگەن حابارلامادا.
ەسكە سالايىق وسىعان دەيىن تالدىقورعاندا اۆتوبۋسقا ورناتىلعان بەينەكامەرا ءتارتىپ بۇزعان كولىكتەردى ءتۇسىرىپ الاتىنىن جازعانبىز.
اۆتور
ايبەك قۇتتىبەك
