تالعارداعى قارالى ءۇيدىڭ، ورتەنۋى: قىلمىسكەرلەر ۇستالىپ، جاۋاپقا تارتىلادى

استانا. KAZINFORM - ىشكى ىستەر ءمينيسترىنىڭ ءبىرىنشى ورىنباسارى باۋرجان الەنوۆ مارقۇم شەرزات بولاتتىڭ ءۇيىن ورتەۋ وقيعاسىن تەرگەۋ توبىمەن تالعارعا باردى.

«ىشكى ىستەر ءمينيسترىنىڭ تاپسىرماسى بويىنشا مەن وقيعا ورنىنا كەلدىم. جەدەل-تەرگەۋ توبى قۇرىلدى. مەنىمەن بىرگە ىشكى ىستەر مينيسترلىگىنىڭ وكىلدەرى قىزمەت اتقارۋدا. بەينەجازبالار تەكسەرىلىپ، كۋاگەرلەردى انىقتاۋ جۇمىستارى جۇرگىزىلىپ جاتىر. قىلمىسكەرلەر ۇستالىپ، جاۋاپقا تارتىلاتىن بولادى. قىلمىستىق ءىس ءمينيستردىڭ ەرەكشە باقىلاۋىندا»، - دەدى باۋىرجان الەنوۆ.

ەسكە سالايىق، ساعات 00:50-دە ءۇيدى جالىن شارپىعان. ءورت ساعات 01:43-دە تولىعىمەن جويىلدى.

بۇعان دەيىن 4 -قازان كۇنى تالعار قالاسىنداعى توبەلەستەن جاسءوسپىرىم قايتىس بولعانىن جازعانبىز.

ودان كەيىن شەرزاتتىڭ تۋعان-تۋىستارى مەن تالعار تۇرعىندارى اشىق تەرگەۋ بولۋىن تالاپ ەتىپ، نارازىلىققا شىققان بولاتىن.

بۇگىن باس پروكۋراتۋرانىڭ باسشىلىعىمەن قىلمىستى اشۋ ءۇشىن ۆەدومستۆوارالىق جەدەل-تەرگەۋ توبى قۇرىلعانى بەلگىلى بولدى.

اۆتور

مارلان جيەمباي