تالعارداعى قارالى ءۇيدىڭ ورتەنۋى - باس پروكۋراتۋرا مالىمدەمە جاسادى
الماتى. KAZINFORM - الماتى وبلىسىندا جانجال كەزىندە قايتىس بولعان شەرزات بولاتتىڭ ءۇيى بۇگىن تۇندە ورتەندى. بۇل جاعدايعا بايلانىستى باس پروكۋراتۋرا مالىمدەمە جاسادى.
باس پروكۋراتۋرا مالىمەتىنە سايكەس، قىلمىستىق ءىس قازاقستان رەسپۋبليكاسى باس پروكۋرورىنىڭ باقىلاۋىنا الىندى. سونداي-اق قىلمىستى اشۋ ءۇشىن ۆەدومستۆوارالىق جەدەل- تەرگەۋ توبى قۇرىلدى.
- تالعاردا جاس ءوسپىرىمدى ءولتىرۋ ءىسى بويىنشا جابىرلەنۋشىلەردىڭ ءۇيىن ورتەۋ فاكتىسىنە قاتىستى 2024 -جىلعى 12-قازاندا باس پروكۋراتۋرانىڭ باسشىلىعىمەن قىلمىستى اشۋ ءۇشىن ۆەدومستۆوارالىق جەدەل-تەرگەۋ توبى قۇرىلدى. كىنالىلەردى اشكەرەلەۋ ءۇشىن بارلىق شارالار قابىلداناتىن بولادى. قىلمىستىق ءىس قازاقستان رەسپۋبليكاسى باس پروكۋرورىنىڭ باقىلاۋىنا الىندى، - دەپ حابارلادى باس پروكۋراتۋرانىڭ باسپا ءسوز قىزمەتى.
ەسكە سالايىق، ساعات 00:50-دە ءۇيدى جالىن شارپىعان. ءورت ساعات 01:43-دە تولىعىمەن جويىلدى.
بۇعان دەيىن 4-قازان كۇنى تالعار قالاسىنداعى توبەلەستەن جاس ءوسپىرىم قايتىس بولعانىن جازعانبىز.
ودان كەيىن شەرزاتتىڭ تۋعان-تۋىستارى مەن تالعار تۇرعىندارى اشىق تەرگەۋ بولۋىن تالاپ ەتىپ، نارازىلىققا شىققان بولاتىن.
اۆتور
دوسبول اتاجان
