10:14, 20 - ءساۋىر 2024 | GMT +5
تاجىكستاندا سيقىرشى، كورىپكەلدەر مەن ەمشىلەر جازالانادى
استانا. KAZINFORM - تاجىكستاندا ءوزىن سيقىرشى، ەمشى دەپ اتايتىندارعا جازا كۇشەيتىلدى. بۇل تۋرالى تاجىكستان رەسپۋبليكاسىنىڭ ىشكى ىستەر مينيسترلىگى حابارلادى.
تاجىكستان رەسپۋبليكاسىنىڭ زاڭناماسىنا باقسىلىق، كورىپكەلدىك، بويتۇمارلار مەن تۇمار ساتۋ ارقىلى كۇن كورەتىن الاياقتارعا قاتىستى قىلمىستىق جانە اكىمشىلىك جاۋاپكەرشىلىكتى كۇشەيتەتىن وزگەرىستەر ەنگىزىلدى.
ەندى ولار التى ايعا دەيىن ءماجبۇرلى جۇمىسقا جىبەرىلەدى. وسى ماقساتتا ەلدە ءبىرىڭعاي ءتىزىلىم قۇرىلىپ، وعان وسى الاياقتىق تۇرلەرىنە قاتىسى بار تۇلعالاردىڭ دەرەكتەرى ەنگىزىلەدى.
بۇرىن تاجىكستاندا باقسىلىق پەن كورىپكەلدىكپەن اينالىسقاندار تەك ايىپپۇلمەن عانا جازالاناتىن.
اۆتور
ەركەجان سماعۇلوۆا
